أنا بدأت أنزل جيم ، ولكن أنا مخستش حاجة؟ بالعكس أنا وزني بيزيد
كابتن عرابى أنا بدأت أجري 3 أو 4 مرات في الأسبوع ولكن وزني زي ما هو
سمي الله وتعالى اقولك كلمتين مهمين خليهم في بالك.
لما تيجي تشوف انت بتحرق اد ايه في الجيم او في الجري
هتلاقي أن لو التمرينة في الجيم مميزة ومعمولة صح وتمرينة قوية.
أو مثلاً بتجري بسرعة متوسطة أو عالية مش بس بتتمشي !
فانت ف المرة تقريباً هتحرق 300 - 500 سعر حراري من التمرينة بتاعتك
سواء في الجيم أو في السباحة او في الجري ,,, الخ
فانت كدا حرقت تقريبا 1500 - 3000 سعر حراري في الأسبوع !
يعني آخرك هتنزل نص كيلو أو حاجة
مش رقم كبير أو مش الرقم اللي هيخليك تتشجع أنك تكمل.
والأكبر من كدا واللي بيحصل أيه ؟ والناس بتعمل ايه ؟!
أنا خلاص بدأت انزل جيم ! أنا خلاص بقيت أجري أو بروح سباحة
أو بنزل الجيم أو بلعب كرة 3 مرات في الأسبوع !
اقرأ أيضاً|شمس مصر|.. ممنوعات على الأطفال
اروح ادلع نفسي بقي، بسكوتة زيادة مع كوباية الشاي بلبن الصبح.
شوية عسل وطحينة، أنا بجري وبتعب ومحتاج اتغذى،
أو بيتزاية بقي بعد الجيم مكافأة على التمرينة القوية اللي عملتها مع كابتن بوحة.
ش
وانت عشان تخس تقريباً 1 كجم انت محتاج تعمل عجز في سعراتك اللي جسمك
بيستهلكها بحوالي 7000 سعر.
فتيجي تلاقي نفسك ال 3000 أو حتى 5000 سعر اللي حرقتهم من التمرين في خلال أسبوع
أنت اصلاً أخدتهم بأكل زيادة أو بالدلع اللي دلعته لنفسك في أكلك وشربك
فتلاقي في الآخر محصلة نزول الوزن 0 أو حاجة لا تذكر.
خلاصة المقال في نقط بسيطة:-
التمرين مش هو وسيلة خسارة الوزن، إحنا مش هنروح نتمرن عشان نخس في الأساس لأ.
التمرين ليه فوائد عظيمة أخرى وهي:-
اقرأ أيضاً|شمس مصر|.. أبي… لكنني لا أحبه!
- شكل جسمك يكون شيك، ويحسن ثقتك في نفسك .
- صحة قلبك وجهازك التنفسي .
- قوة ونشاط أعصابك وعظامك ومفاصلك .
- تكون دائما شباب ونشيط.
- ليه دور عظيم للضغط ولدهون الدم والكوليسترول .
- أخيراً وهي من أهم الأهداف والأسباب اللي بنهتم جداً بالتمرين عشانها وهي
إن أهم وسيلة لمنع أى خسائر في كتلة العضلات أو نقللها تماماً،
هو اننا نتمرن بشكل منتظم، وخصوصاً تمارين الأوزان ولو حتى في البيت.
عاوز تخس فالخسسان أو نزول الوزن هي لعبة سعرات أولاً وأخيراً!
لعبة كم وكيف الأكل والشرب على مدار الأسبوع ! على قد ما هتتحكم في أكلك
وعلى قد تظبيطك للسعرات على قد ما هتحقق نتائج !
لما تنزل تتمرن أو تروح الجيم ، أو تبدأ جري أو سباحة، عشان بتحاول تحسن من نفسك وشكلك ووزنك، لازم تظبط أكلك وشربك كمان.
عشان تلاقي نتيجة الميزان ونتيجة الشكل اللي بتدور عليها،
عشان التمرين هو لصحة جسمك وكفاءة أعضاءك.
التمرين ممكن يكون لشكل جسم أفضل، لكن التمرين مش للميزان.
