في رحلة بحث الرجل عن شريكة حياته بيقابل الكثير من الانواع والصفات بس لازم يعرف ان في صفات لازم يبعد عنها لانها هتكون سبب في تعبه وشقاءه فقد قال العرب في قديم الأزل لا تتزوجوا من النساء سبعاً وهن: "الأنانة والمنانة والحنانـة والحداقة والبراقة والشداقة وعشبة الدار"
دا شرح بسيط ليهم :.
الأنانة :. كثيرة الشكوى والأنين طول الوقت ضهري، بطني، مفاصلي، شغل البيت، العيال، على طول عايشة دور المظلومة والضحية مشفتش يوم فرح وكل الدنيا جاية عليها والناس كلها ظالمة على طول بتفكرك عملت أيه علشانك في كل وقت وكل مناسبة .
المنانة :. دي بقى على طول بتفكرك هي ساعدتك بأيه وتقول كلام زي الحمدلله اني اتجوزتك، انا لو مكنتش اتجوزت مكانش في واحدة هتوافق عليك، دانا اخويا عملك كذا، و والدي ساعدك في كذا على طول تحسس اللي قدامها ان أقل منها وانه مهما يعمل عمره ما هيوصل ليها .
الحنانة :. كثرة الحنين لبيت والدها شخصية مملة طول الوقت يارتني ما اتجوزت، ياريتني ما قابلتك بتعكر جو البيت وجوزها دايما بكلام، وممكن تكون كثيرة الحنين لراجل غير زوجها ومبترضاش بوضعها مع جوزها مهما عمل دايما بتقارن بين زوجها و غيره من الرجال .
الحداقة :. عمرها ما بترضى باللي عندها عينيها على طول على اللي في أيد غيرها و تشتهيه، ترغب في شراء كل شيء حتى تتساوى ببنت خالتها واخواتها والجيران بغض النظر عن حالة زوجها المادية حتى لو هيسرق ملهاش دعوة المهم طلباتها تيجي .
البراقة :. دي بقى مبتهتمش غير بمظهرها وشكلها طول الوقت قصاد المراية اهم حاجة عندها تزين وجهها بشكل مبالغ فيه عاملة زي عروسة المولد .
الشداقة :. على الفاضي والمليان بتتشدق بالكلام بفايدة ومن غير فايدة، على طول بتكذب وصوتها عالي كلامها من غير قيمة و طبعا كتر كلامها بيوقعها في مشاكل كتير .
عشبة الدار :. عدوة النظافة بينها وبين النظافة عداوة غريبة هتحول البيت لمقبرة بسبب عدم الاهتمام بيه هتحوله كتلة من العفن والمتانة، مهملة في نفسها وأولادها .
اقرا ايضاً👇
سلسلة مقالات بعنوان احفاد حواء كل ما يخص انواع الستات وطريقه التعامل معهم
