هاجم نديم حميد الشاعري الملحن حلمي بكر؛ وذلك لهجومه على والده خلال ظهوره بالبرامج التليفزيونية، حيث كتب عبر حسابه الشخصي على موقع التواصل الاجتماعي "فيسبوك" :"أستاذ حلمى لو محتاج مساعدة الكابو مش حيتأخر عليك، لكن ما ينفعش كل ما تتزنق تروح برنامج تجيب سيرة حميد الشاعرى اللي للأسف تاريخك ميجيش تمن تاريخه ولا فنيا ولا أخلاقيا للأسف، ٣٠ سنة من عمرى ما بيعملش حاجة في حياته غير التقليل من الناس ومن الفنانين ومن أعمالهم".
اقرأ أيضًا/|شمس مصر|.. ميرهان حسين تفاجئ الجمهور بأحدث اطلاتها
وتابع:"اوعى حضرتك تفتكر إنك محطوط في خانة الإنسان المحنك، لا للاسف، فرق كبير أوى بينك وبين الكابو حتى في الفكر الموسيقى والمعاملة مع الناس. الكابو كبير مقامة ومش بيرد عليك عشان هو اكبر من كده واكبر منك بالذات، ودايما بيقولى ما تردش على حد. لكن ولاده كبروا ومش حيسمحوا انك تقطع في ابوهم"، ثم أضاف أيضًا:" هو حضرتك بجد فاكر أن حميد هو اللي بوظ المزيكا في مصر؟ المقسوم إلى حضرتك بتتكلم عليه هو اللي واكل بقاله ٣٠ سنة مع كل الفنانين، وهو سر الاستمرارية والنجاح، مفيش البوم بينزل غير ومقسوم الكابو رانن في الودن".
اقرأ أيضًا/|شمس مصر|.. عودة محمد منير للمسرح بعد غياب 10 سنوات
ثم اختتم "نديم" حديثه قائلًا:" لما مذيع صابغ شعره ابيض وفي اللفة يسألك سؤال زى ده، المفروض ردك يبقى تربوى قبل الفنى إنه ازاى يسأل السؤال بالطريقة دى، لكن حضرتك كنت حتطير من الفرحة عشان السؤال في تقليل للكابو،حاول يا أستاذ حلمى تكسب الناس عشان الدنيا فانية. متبقاش خسران السيرة الطيبة وكمان الناس".
اقرأ أيضًا/|شمس مصر|.. التطورات الصحية لحالة الفنان محمد عبدالرحمن
