![يأس القلوب نعم يزال](https://shamsmasreg.com/public/uploads/blog/159442275779143.jpg)
أوقات بيجي علينا فترة بنكون مقفولين من كل حاجه وملكش طاقة تعمل اى حاجه عايز تفضل كده قاعد كسول متبذلش اى مجهود .
مخنوق بس مش عارف السبب وده فى حد ذاتة كفيل يدمرك وكمان مبتبقاش عايز تعمل الحاجة اللى بتحبها ، فبتضطر إنك تبعد بس بتسال نفسك هتبعد تروح فين ؟! وبتسال مهما بعدت نهاية الطريق هتبقى فين ؟! وهل هو ده الحل الصح ؟!
________________
اقرأ أيضاً روحى تتلاشى وقلبى يحترق.
________________
بس عمر ما كان البعد هو الحل الصح ، لما بتبعد بيزيد من كسلك وطول ما انت بعيد عن حاجة مش تفكر تروح تعملها .
الوحده وحشة بتخليك تتشائم وتحس الدنيا مقفلة معاك ، بتخليك تحس إن العالم ده رغم كبره مفهوش مكان ليك وتخليك مش قادر تتكيف مع البيئة اللى حواليك . واحده واحده بقيت تحجز نفسك فى مساحة صغيرة، بقيت تمنع السعادة إنها تدق على قلبك ، بقى أى حد يخاف يقرب منك ، نبص بقى مين السبب هما السبب إنهم حسسوك بالوحدة ولا أنت السبب إنك عملت فى نفسك كده؟!
_________________
اقرأ أيضاً صرخة انتقام ووجع واشتياق.
_________________
اللى حواليك عليهم جزء من اللوم وإنت كمان عليك جزء .
عارف لية لأنك السبب إنك خليت الوحدة تتملكك وتأثر عليك ، هى اللى خلتك تتوهم إن محدش عايزك وإنك مش مرحب بيك هناك ، متخليش الوحدة تتحكم فيك إعرف ازاى إنت تتحكم فيها .
بص لذكريات الحلوة متبصش للوحش هى فترة وهتعدى .
________________
اقرأ أيضاًأنا محطم كليا ولا أستطيع النجاة.
________________
الفترة دى عاملة زى الإمتحان يا إما تعديه وتنجح يا إما تسقط ، بص لخير ربنا وكرمه عليك اضحك محدش هيعيش حياتك غيرك لية تضيع حياتك فى الحزن والكآبة ، العمر واحد والحياة واحدة مش هيتكرروا فبلاش تندم فى الآخر وإلحق نفسك وعيش شبابك وإفرح من قلبك.