سُكاتِك
علمني حاجات كتير
علمني لما ألمح كلامِك
أفهم معاني
جوه حِكاياتِك
وأوصل لأصل الكلمة وبالدليل
وأعرف حقيقة بداياتِك
وياخُدني صمتِك
وجوه ف سكاتِك
بشوف الحقيقة
وإنك مريضة وعايشة لذاتِك
عيشي فرحِك
عيشي ألمِك
عيشي الحُزن المُصطنع
وعيشي السهل اللي عمره ما أمتنع
وعيشي قبل ما تِخلص حياتِك
وترجعي تلفي عا اللي فاتِك
ما أنتي مهما بعدتي هترجعي
بس هيكون القطر فاتِك
ووردِك الفايح دِبل
وغرورِك الطايح
هتدوب ستايره وتنسِدل
وهتلاقي الدنيا حواليكي ضلمة
ومش شايفة فيها مكانِك
والخطوة تايهة ومش لاقية كلمة
ترجعي بيها ولو زمانِك
ما هو كان اد اختيارِك
والبداية هي بداياتِك
بكره لما الغربه تُطول وياكي
ووجع الفراق يصرخ كمان جواكي
ودموعِك تبان
ويبان كمان فيكي الزمان
بس شتان
بين دموع النهاردة
ودموعِك زمان
والدنيا لللي كُنتي
سيباها وانتي
وردة وف عِز الضلمه تبان
مين اللي هان
أنا وألا انتي
ولا اختياري واختيارك
كان من البداية غلط
ولا يمكن تكوني
حسيتي فيه إحساس
وعنيكي بقت شايفاه لولي
وعُقد من ماس
بس من أيديكي فرَط
ورجعتي تلومي الناس
بس ف سكاتِك
وتشوفي إي يوجع ما فيهُم
وتعيشي بيهُم وسط حكياتِك
سكاتِك
علمني حاجات كتير
لما أبقا شاريٰ
اشتري ف الأول مصير
وأشوف إي اللي مِداري
قبل ما أتعلق وأطير
وألاقي نفسي
وسط غابة
وحدي وأسير
والضلمة محلوطاني
وجناحي كسير
والشمعة اللي باقية لي
نورها ما يكفيش
ولو كان العمر بيداري
أنا عمري خلاص مفيش
غير اللي باقي
واللي باقي ما يكفيش
وإن جاني عُمر فوق عمري
وإن طال بيا الزمان
هرفض بداياتِك
وأشوف مكان غير المكان
وأمحي من جواه كلامِك
وحروفِك وصمتِك
وكل المعاني
ومعاهم سكاتِك
وأبداءي عيشي
وفي النهايه دي بداياتِك
وزي ما اختارت حياتِك
عيشي وأتهني
وأحلمي وأتمني
قبل ما يخرج سكاتِك
ويرفض معاكي
كل المعاني
ويمحي حروفِك
ويمسح كتابِك
ويبدأ سكاتِك
ف كتابه بداية
لنهاية حياتِك
اقرأ أيضًا/|شمس مصر|.. عندما تبكي السماء
اقرأ أيضًا/|شمس مصر|.. غني يا عود واحلم
اقرأ أيضًا/|شمس مصر|.. صبرًا يا فؤادي
