قالوا لي ساكت
ومش بتتكلم
وعيونك علي طول حزينه
والضحكه جواها بتتألم
قلتلكم ياناس سبوني
مالكم ومالي
ما انا طول عمري وحدي
وعايش ف حالي
ساكت ومش بتكلم
انهارده
عايزين تسمعوني
والا تشوفوني
لحظه وانا ف موتي
بداري الفرحه جوايه
واخفيها لتظهر ف يوم
وتوجعني
ده لو فرحت
وبداري الدمعه ف حكايه
بقولها عا الورق واكتبها
واعيش انا وصمتي جوايه
اسمعه ويسمعني
حتي لو مت
ف بلاش تسمعوني
وكفاياكم تشوفوا الكلمه
ف عيوني
وحد منكم يقول لي
فهمت
سنين بداري
وسنين كمان بخبي
ضحكتي عنكم
واعيش من وسط اسواري
الملم دمعتي منكم
واضحك لما الضحكه تكون عايزاني
وافرح يوم ماتيجي الفرحه بأاحضاني
بعيد عنكم
ما انا ياما عشت بينكم
الملم جروحكم
واشيلها عنكم
واطبطب عليكم
وانتو جوايه وانا بينكم
وانزع الخوف عن قلوبكم
واحس بيكم وبوجعكم
.....
انتو انهارده حسيتو بيا
لما لقيتوني ساكت
ومش بتكلم
طب كنتو فين
لما الوجع وضع حدودو فيا
ورسمها علي عيوني
وكتب لي ضحكتي
وامتي ابكي
من غير انين
....
بتقولو لي ساكت
ومش بتتكلم
خلاص
مات الكلام
ولو
شايفينو
حي بعيونكم
خلاص اتعلمت اعيش
وانا ساكت
حي وبتالم
----------
أقرأ ايضاً احلام مبعثرة
----------
----------
أقرأ ايضاًانا لما شوفتك
----------
----------
أقرا ايضاً مالك يا ليل
----------
