حبيبي بعد الأشواق بهديك سلامي
وكتير من كلامي
عارفة إنه مش هيوصف كل احساسي
بس يمكن يعبر عن أشواقي
في البداية
بدأت علاقتنا صدفة
والغريبة إن الكلام كان زي الحكايات لا نمل فيها حتى بعد كتير من الساعات
كان دخول غريب جداً
اقتحام لقلبي من جميع الأبواب
مش عارفة ليه فضلت ساكتة
هل من هول المفاجأة
ولا لبداية الحنين
كنت رافضة أي حب يمر حتى مرور العابرين
قولت كانت صفحة واتقفلت من كتير
ولا يمكن حد يحرك فيها ساكن
بس ازاي أحيت فيها كل الحلو ف غمضة عين
قولي ازاي بإبتسامة جنتت العقل والقلب من التفكير
قولي ازاي ي حبيب أيامي
قولنا كتير مش ممكن يجمعنا طريق
ماكناش نعرف إن قدرنا واحد من البداية قبل ما تجمعنا السنين
حكينا لبعض كتير حكايات
عرفت ازاي تخطف قلبي بكتير حاجات
دايما بتلغي أنا وانتِ بتقولي احنا يا حبيبتي
ولا تصممنا على موضوع والضحك اللي بيعم السكوت
ولما تقولي
أنا جنبك ماتخفيش
وعشان خاطري ما تزعليش
بقول ف سري ساعتها ازاي ازعل وأنا وياك
دا أنا عرفت معنى الحياة معاك
ورغم إنِ مش قادرة أقولك بحبك لما بتوجه سؤالك
فكانت أحلى حاجة أقولها في قصيدة توصف كلامك
كل تفصيلة بنا اتبنت على أساس
علاقة حلوة فيها أنت عندي بكل الناس
اقرأ أيضاً: |شمس مصر|.. الحب لا يعرف الهجران
اقرأ أيضاً: |شمس مصر|.. بحبك يا ملاذ العمر
اقرأ أيضاً: |شمس مصر|.. هبني حدود وهمحي الحنين
