مِدي إيدِك وأحُضنيني
وأكتبيلي ولو مره عن بكره
وأرسميلي
ف عيونِك شمس ونهار
وأكتبيلي
في عيونِك السمره
ولو لحظه
أعيش الجنه تكون أو نار
بس أحضُنيني
........
وأسأليني
كام باقي من العمر ليا
وروحي عايشه وصابره
بطبطب علي روحي
لَيوم ما تلقاكي عِنيه
هتجري عليكي
وأمدلِك روحي
وبأيديه
وأسألك
كنتي غايبه عني فين
ده أنا ياما حلمت بيكي
وعشت راسمك ف الخيال
وأمتي هشوفك
ويسعد عمري كله بيكي
يا حلم كنتي أقرب للمحال
تسلم إيديكي وتسلميلي
ويسلم حُضنك يا أحلا دار
ده نفسي أكون ف يوم ليكي
وتمِدي إيدك وتحُضنيني
...........
دا أنا ياما حكتلك
ع إللي جوايه بمرار
وإشتكيت لِك عمري كله
وكانت غنوهَ ع الجيتار
حسِتيها وحن قلبك
وأبتدا قلبي وقلبك المشوار
ٌوكانت السكه جميله
فرشناها بالعنبر
وحوليها ورود
وإنكتب يكون لينا فيها
حلمك وحلمي
وشمس ونهار
نِبات ونصحيَ
وإيدك حضنه إيدي
ومكتوب عليها كل الوعود
وإن حُضنك يكون لينا وطن
وألف دار
وأفرح
إن كان لسه باقي لقلبي يفرح
وأسرح
لحظه ف خيالي
وأشرح للدنيا حالي
وأنها تسبني أعيش
ولو يوم
ويمر ويفوت
وألا مفيش
غِيرَك يا موت
هتستنيني أموت
وبعديها تمِدي إيدِك
وتحُضنيني
طب ياريت أموت
وبحُضنك تغطيني
بس أحُضنيني
..........
بفرح لما أشوفِك
ويطرح قلبي حلم وأمل
والقاكي مدا لي كفوفِك
بتداوي ف جراحي وتندمل
وسكاتِك وخوفِك
عليا من بكره
بشوفهُ ف عِنيكي
عايز يمد إيدك
ومن نفسي تاخديني
ويكفيني إني
لما بحلم
بيكون الحلم فيكي
ومن أشتياقي كأني
مش نايم وصاحي
ومضمونه إحتياجي ليكي
بحسِك دفا
جنه مش نار
وبتوعديني
إن بكره هيكون له نهار
حب وأمان
وأنا بين إيديكي
وإيديكي ممدوده بالحنان
وفرحه طرحه علي خدودك
دليل وألف مكان
أنا يا فرحه عمري وضِلهُ
مفيش لعمري فرحه غيرِك
ولو هعيش عمري كلهُ
أنا راضي أكون أسيرك
بس أوعِديني
أعيش إللي باقي
من عمري جنبك
وأكون دليلك
وضِله ف طريقك
وجنه مش نار
بس أحُضنيني
.........
ده أنا المحتاج
لشئ واحد يكون لي صافي
محتاج لحضن المسهُ
واحسهُ دافي
أو حد يكون لي وافي
ويطيب وأياه فؤادي
ويكون لي الدوا الشافي
ما أنا طول عمري بداوي ف الغريب
ويتعافي
وياما بدِلت قلوب
بالحب من بعد التجافي
وشيلت عن كل مدبوح
سيف الجروح
ومكنشِ عن حد خافي
لي إنهارده بقيت أنا المدبوح
وصوتي إللي كان عالي
صبح إنهارده بوادي الجروح
علي رعشه وخوف مصدوح
والسُكات بقا ليا حُضن دافي
مِدي إيدِك وأحُضنيني
قبل ما بكره يعَدي
وتشوفيني
حفنه حروف من ذكري
ومش قادره
وبتعافر مع التيار
وياريت ما تنسيني
وتمِدي إيدِك وتحُضنيني
لو لسه باقي
ع العمر شئ من نهار
إوعاكي تسبيني
ومِدي إيدِك وأحُضنيني ........
----------
إقرأ أيضا |شمس مصر|.. هي دي أمي
----------
----------
إقرأ أيضا |شمس مصر|.. صبرا يا فؤادي
----------
----------
إقرأ أيضا |شمس مصر|.. وإن يسألونك عني
----------
