نحلم منذ الصغر بهدف يملئ قلوبنا طموحًا، ويمتلك أفكارنا وتخطيطاتنا للمستقبل، وفي لحظة يتحطم الحلم لندخل في عالم جديد ويُفرض علينا مجال لم نرتب له، ولكن الإنسان الطموح المجتهد من يتألق ويسعى للنجاح، وهذا حوار جريدة شمس الإخبارية مع أحد هذه النماذج الشابة التي استطاعت أن تحول ما فُرضت عليه لنجاح وتفوق.
- في البداية نرحب بيكي في موقع وجريدة شمس مصر الإخبارية.
أهلًا بحضرتك.
- ممكن نتعرف بحضرتك؟
أنا منار علي فوزي العادلي من المنوفية مركز أشمون، بدرس في تربية نوعية قسم (فنية) فرقة رابعة، عندي ٢١سنة.
- متى كانت بدايتك مع الفن؟
من سنتين تقريبًا.
- كيف اكتشفتي هذه الموهبة؟ وهل تحبي الرسم منذ الصغر؟
مكتشفتوش، هو أمر وانفرض عليا لأنه تخصص القسم اللي أنا فيه، فابدأت أتفرج على فيديوهات، وأتدرب كتير لحد ما قدرت أتمكن من الرسم والحمدلله بقا هو شغلي دلوقتي، بالنسبة للرسم لا مكنتش بحبه أوي وأنا صغيرة.. بس كانت شخبطة عادية يعني.
- ما الكلية التي كنتي تحلمين بها منذ الصغر؟
كلية الآثار.
اقرأ أيضًا/|شمس مصر|.. في ليلة الإسراء والمعراج أحمد فهمي يتوجه إلى الله
-هل اعتقدتي في يوم ما أن تصبحين فنانة؟
لا مجال الفن التشكيلي عمتا مكنش في دماغي خالص.. زي ما قولت لحضرتك هو أمر انفرض عليا مكنش ليه أي ترتيبات.
- لا يوجد نجاح بدون عقبات، فما هي الصعوبات التي واجهتك في بداية مشوارك مع الفن التشكيلي؟
الحمدلله مفيش حاجة وقفت قدامي أو كانت سبب في أني أقف ومكملش، غير في البداية قعدت فترة على ما تمكنت من الرسم كويس لأن هو الأساس لكن مكنش فيه أي صعوبات تاني الحمدلله.
- هل تعرضتي لأي نوع من الانتقادات؟
كتيير جدًا بس دا في خلال أول 3 شهور من البداية لكن، دلوقتي الحمدلله الشغل بيتطلب، وموثوق أنو هيطلع ع كفاءة عالية الحمدلله.
- كيف واجهتي هذه الانتقادات؟ وهل تأثرتي بها أو شعرتي بالإحباط والشعور بعدم القدرة على النجاح؟
اكيد اتأثرت بس مش كتير بس لولا الانتقادات دي مكنش زماني في المستوى اللي أنا فيه دلوقتي.
- من هم أكثر الأشخاص الذين تلقيتي منهم الدعم في مشوارك؟
كل ما ليا بابا وماما.
اقرأ أيضًا/|شمس مصر|.. نضال الشافعي يتحدث عن دوره في ملف سري
- أوصفيلنا، كيف كان شعورك بعد أول عمل قمتي به؟
أول عمل عملته كان مشروع في الجامعة تعبت فيه جدًا بس أخدت فيه امتياز بلص تقريبًا مهما اتكرمت ومها عملت شغل وكان ناجح مش هيبقى بردوا بنفس فرحة أول عمل ليا.
- هل لكي سابق اشتراك في مسابقات؟
أيوه، وآخر مسابقة كنت المركز الأول.
- هل شاركتي بأعمالك في أحد المعارض مسبقًا؟
أيوة معرض الجمهورية للفنون البصرية الأولف مكتبة القاهرة بالزمالك، ومعرض آخر للفنون البصرية في نادي الجمهورية بشبين الكوم.
- ما هو أفضل عمل قمتي به إلى الآن؟
فيه ثلاث أعمال بحبهم جدًا، وشاركت بيهم في معارض جمهورية واتكرمت عليهم.
- من هو أفضل فنان تشكيلي بالنسبة لكي؟
فنسنت فان جوخ، وليوناردو دا فينشي
- ماذا تتمنين أن تصنعي بهذا الفن؟
أنا أمنيتى أفتح مرسم يكون خاص بيا.
رسالة تحبي توجيهها للشباب الذي يشبهك وفُرض عليه أمر ما.
الخير فيما اختاره الله واختيار ربنا لينا أحسن من اختيارنا مية مرة أيًا كان الشيء اللي انفرض عليك فلازم تجتهد فيه وتثبت نفسك في المجال دا وربنا ليه حكمة في كل حاجة والحكمة بنعرفها بعدين بعد ما نشوف عوضه
شكرًا جزيلًا لكي سعدنا بحوارك كثيرًا.
أنا أكتر.
اقرأ أيضًا/|شمس مصر|.. عائشة بن أحمد فتاة متمردة في مسلسل ملف سري
![[شمس مصر] التعريب ونشر الإسلام في مصر وعهد الولاه](https://shamsmasreg.com/public/uploads/blog/1661366121480146.jpg)
