كشف ويجز خلال لقاء مسجل له العديد من التصريحات والأسرار المتعلقة بحياته الخاصة، ويتحدث عن أسوأ لحظة بحياته، حيث بدأ ويجز اللقاء بقوله: "اسمى أحمد علي وعندي 23 سنة وشخص مش عاوز حاجة، وطفولتي كانت قاسية وفاكر أيام معينة كان بيكون معايا 20 أو 50 جنيه"، وأضاف: "طفولتي كانت قاسية ومش لسبب معين، أو حاجة كانت جاية عليا ولكن في طفولتي كنت بتنقل كتير أوي بسبب ظروف شغل الوالد، وعملت مليون حاجة وعمري ما تخيلت إني هغني وبعدين جاتلي فرصة وبقيت أغني دلوقتي، ومكنش عندي خطة ابقى مغني، كنت قبل كده بحب أكتب وأسمع مزيكا واتفرج على ماتشات الكورة مع الشباب لأني مبعرفش ألعب".
اقرأ أيضًا/|شمس مصر|.. لقاء سويدان تتحدث عن "أيام" و"حلم" على الحياة
وتابع ويجز: "أنا عندي مبدأ أنا مش عايز حاجة، مش عايز جنيه زيادة ومش عايز أي حاجة، فاكر إن بيبقى معايا 20 أو 50 جنيهًا في اليوم، بس مش هقول لحد هات فلوس فهتعايش مع ظروفي، دلوقتي من أول 100 جنيه فالحمد لله"، وأكمل حديثه قائلًا: "ابتديت محكمش على حد، وبقيت بشوف إن البشر بيعملوا كل حاجة، وأجرب كل شيء اتطلب مني معملوش للترفيه، يعني زمان كان يتقالي متركبش موتوسكل دلوقتي بقيت بركبه".
اقرأ أيضًا/|شمس مصر|.. العرض الخاص لفيلم تماسيح النيل
وأضاف: "عندي 6 أخوات مش كلهم أشقاء وكل حد في حتة، وامبارح كان عندي حفلة والنهاردة فيه هدوء في حياتي، وأنا عندي مشكلة مع الهدوء، لو هدوء كتير بيتحول عندي مشكلة مبحبوش؛ لأني مش بتاع قعدة في البيت خالص وأحب أحتك بالناس، كما أشار ويجز إلى أنه لا يحب الشهرة، وأن مجاله يحتوي على الكثير من المنافقين، ولكنه يعرفهم شخص شخص ولا يستطيع ابتزازه، كما أشار إلى أنه من نوعية الأشخاص الذي لا يريد شخصًا يقوم بتقليده في شيء خطأ يفعله".
اقرأ أيضًا/|شمس مصر|.. غادة عبد الرازق تصاب بأوميكرون
