|شمس مصر|.. خاص من جريدة شمس مصر.. "تغطية حفل الأيتام بالتنسيق مع كليه الإعلام جامعة المنوفية"
كتبت/يمنى شعبان
نعلم جميعًا أن وجودنا بجانب الأيتام له ثواب عند الله عظيم وواجب علينا أيضًا مثل ما قال لنا رسول (الله صل الله عليه وسلم) أنا وكافل اليتيم كهاتين في الجنة وأشار بالسبابة والوسطى ومن الطبيعي أن حدث مثل هذا يجب أن نكون حاضرين فيه ومشاركين ونكون بجانبهم وندعمهم لأن لهم كامل الحقوق والواجبات مثل أي شخص ولهم الأولويات في الحياة ووقوفنا بجانبهم جعلهم أكثر فرحًا وتعويضًا لهم عن عائلتهم الذين فقدوهم.
وندرك جميعًا أهميه الشباب والدور الذي يقومون به ومن وسط ذلك الزحام تأتي لكم جريدة شمس مصر بإحدى الحوارات الصحفية مع بعض الشباب المتميزين، معًا نستعرض الحدث..
••مبدئيًا.. أزيك يا أستاذ حسين، أخبار حضرتك أي؟!
= الحمد لله بخير
•• ممكن حضرتك في البداية تعرفنا بنفسك؟
= أنا اسمي حسين جمال علي أحمد الجمال؛ رئيس اتحاد طلاب كلية إعلام جامعة المنوفية.
•• من معلوماتي عن حضرتك إنك منظم الحفلة وصاحب الفكرة، ممكن حضرتك تقولنا أي الهدف من قيامك بالحفلة؟
= أهم حاجة هو فعل الخير وإننا نفرح أخواتنا الأيتام .
•• ممكن حضرتك تقولنا أي الصعوبات اللي واجهتها وأنت بتحضر للحفلة؟
=مفيش صعوبات واجهتني قد عدم ثقة الناس فإننا هنقوم بعمل الخير ولا لا، فكنت لازم أثبت ليهم إن فلوسهم كلها راحت للأيتام وقد أي هما اتبسطوا بيها وبالهدايا اللي جبناها ليهم، بس غير كدا الحمد لله بتوفيق ربنا اجتازنا كل الصعوبات .
••طيب ممكن حضرتك تقولنا قد أي مدى رضائك عن حفلة النهاردة؟
= الحمد لله أنا راضي عن الحفلة نقدر نقول إنها ناجحة بـ نسبة 90 ٪ وبنشكر كل الناس اللي شرفتنا النهاردة والضيوف كانوا ناس محترمة جدًا والحمد لله وصلنا لهدفنا وفرحنا كل الأطفال الأيتام اللي كانوا موجودين .
••بمناسبه إننا في شهر ديسمبر وطبعًا حضرتك عارف إن فيه اليوم العالمي لذوي الاحتياجات الخاصة.. هل هيكون في احتفال جميل ومشرف زي اللي إحنا شوفناه النهاردة؟
= أنا قولت قبل كدا إن شاء الله أول جمعة من كل شهر هنقوم بتنظيم حفلة مرة للأيتام وأخرى لذوي الاحتياجات الخاصة، ولكن أنا نظمت حفلة النهاردة للأيتام علشان هما كانوا في أشد الحاجة للحفلة وإنهم محتاجين يفرحوا بيها.
•• أنا حابب أشكر كل اللي ساعد في إننا نقدم الحفلة بالشكل المشرف اللي كلنا شوفناه النهاردة
الشيماء أيمن سيد مرزوق، نائب رئيس اتحاد إعلام
منه محمد عفيفي، أمين اللجنة الاجتماعية
فاطمة محمود عبد العاطي، قائد تيم الـ pr
أمنية أنور إسماعيل قائد تيم الـ HR
أحمد عماد غبور
كنزي هاني عزت رمضان
مهند محمد بيومي ميرة
عمر عادل
روز ضياء
هاجر معوض
شهد علي
شهد النشار
شيرين حلمي الحاج علي
نورا محمد كمال
إحسان أسامة يوسف محمد
أروى أيمن النحار
مودة أحمد الدبور
سلمى مصطفى أحمد طايل
دنيا عبد الفتاح زعير
ندى محمد إبراهيم كشر
روان عبد الرحيم
آية علاء نجم
تقى صبحي
رؤى عادل
جنه بهاء الدين النجار
رحمة أحمد عبده
نيرة حسام
تقة علي سالمان
منة الله محمد المعاز
أحمد والي
ندى يونس محمد أبو الخير
حنين بليغ إبراهيم شحاتة
محمد مصطفى الكاشف
أسماء ماهر أحمد
نجاة سلطان
مصطفى محمد الحصري.
إقرأ أيضًا/|شمس مصر|.. علي منصور شاب مصري يُري العالم جمال مصر من خلال مبادرة إظهار معالم وجمال مصر
••في البدايه ممكن حضرتك بتعرفنا بنفسك؟
_ د/ محمود فتحي الخباز رئيس اتحاد الجامعه سابقًا ومُنسق عام لأسرة من أجل مصر المركزية.
••أي الهدف من الحفلة من وجهة نظر حضرتك؟
_ الهدف طبعًا إننا نجمع أخواتنا داخل دور الأيتام وذوي الإعاقة بمحافظة المنوفية لإدخال السرور على قلوبهم لإحياء روح الود معهم، وإننا نحاول نحسسهم إننا موجودين معاهم أيًا كانت الظروف اللي هما مفقدوش أب ولا ام وإن احنا كلنا معاهم كأب وأم وكأخوات.
••شايف الحفلة نجحت بالقدر الكافي اللي كان حضرتك مُتخيلوا؟
_ طبعًا احنا في الاتحادات الطلابية عمومًا وفي أسرة من أجل مصر إن احنا عمرنا ما بنقول إننا نجحنا احنا دايمًا شايفين إن النجاح لسه مجاش طول ما احنا بنسعى وبصين للأفضل، هيبقى في أحسن.
كما أبدى إعجابه بتنظيم الحفلة حيث قال تنظيم رائع ونشكر كلية الإعلام وفريق من أجل مصر على التنظيم والمشاركة الممتازة وبقائدهم (حسين الجمال) على التنظيم الميسر والرائع لذوي الاحتياجات الخاصة والإعاقة والتنسيق التام مع قيادات طلاب الجامعة ومع مسؤولين دور الأيتام إنهم حاولوا يوفروا ويجيبو الطلاب في وقت زي دا، ودا يمكن في حد ذاتوا دافع ليهم كدور أيتام إنهم يحسسوهم إن ليهم أخوات خارج دور الأيتام.
كما أوضح د/ أحمد أبو العلا رئيس اتحاد كليه الإعلام حاليًا حيث قال: احنا ممكن نقدملهم كتير لسه، في حفلات تانية هتتعمل على مدار كل شهر بالتنسيق مع الكلية ومنسقي الحفلة.
إقرأ أيضًا/|شمس مصر|.. فعاليات افتتاح مبادرة learn بمحافظة المنوفية أمس الثلاثاء 7 ديسمبر
( عمر عادل) أحد طلاب كليه الإعلام وأحد المشاركين في الحفل التطوعي قال في حديثه:
•• شايف إن الأيتام بياخدوا حقهم في المجتمع؟
_لا، أنا شايف إن في ناس كتيرة بتعاملهم معاملة مش كويسة وشايفين إن الأيتام ملهمش ضهر فهو يعاملوا معاملة سيئة فعارف إن محدش هياخدلوا حقه إلا من رحم ربه بقى بس طبعًا مش كل دور الأيتام كدا بس لو احنا مثلًا نتابعهم ونسألهم ونشوف أي السلبيات اللي بيقابلوها فدا هيحسن معاملة الناس ليهم يعني ويعرف الشعب كلوا إن الطفل دا ليه ضهر.
•• نقدر نساعدهم إزاي من وجهه نظرك؟
_ مثلًا نعلمهم صنعة ليهم من وهما صغيرين مثلّا نعمل مصانع أو ورش عمل، الحاجات دي هتفيدهم وهما صغيرين ويكبر يبقى عارف مهنة أو حاجة اتعلمها يقدر يصرف بيها على نفسه وميحتاجش لحد.
ممكن أتشرف بحضرتك؟!
روز ضياء أمين إسكندر
..شايفه إن دور الأيتام واخد حقه في مصر بشكل كافي؟!
بصراحه في البداية مكنش واخد حقه لكن طبعًا بأسرة من أجل مصر اللي أنشأها الرئيس عبد الفتاح السيسي وبكل دعم هو قدمها لهم شايفة إنهم أصبح ليهم دور واضح وملحوظ في المجتمع
..ممكن اعرف الوقت اللي أنتم احتاجتوا ليه لحد ما قدمتوا الحفلة بالشكل اللي احنا شايفينه النهاردة؟!
احنا كلية إعلام وكام كلية كمان مثل كلية زراعة اللي قدمت عرض المسرحية وكمان كلية تربية تقريبًا بدأنا نجهز للموضوع دا من أسبوع تقريبًا والأستاذ حسين الجمال رئيس الاتحاد كان بينظم للحفلة دي قبلها من فترة كبيرة لأننا كنا بنجمع مساهمات، فتقريبًا أخدنا أسبوعين
...تحبي تقولي أي بمناسبة اليوم العالمي لذوي الاحتياجات الخاصة؟! وممكن أنتم تقوموا بعمل حفلة ليهم زي اللي إحنا شوفناها النهاردة؟!
أنا بحس إن ذوي الاحتياجات الخاصة ناس مش مختلفة عننا ولا حاجة بالعكس تمامًا أنا شايفاهم إنهم بركة المجتمع لولاهم مكنش هيكون فيه بركة
إقرأ أيضًا/|شمس مصر|.. سيرة ذاتية عن شيوخ الأزهر
•• مبدئيًا.. ازيك يا أستاذ مهند، أخبار حضرتك أي؟
... الحمد لله بخير والله
•• ممكن حضرتك في البداية تعرفنا بنفسك؟
...مهند محمد ميرا، أحد طلاب كلية إعلام جامعة المنوفية والمشاركين في حفل الأيتام .
•• ممكن حضرتك تقولنا أي الهدف من إقامة حفلة النهاردة؟!
.. الهدف منها إننا نبسط كل إخواتنا الايتام، وإننا نعرفهم إن ليهم وجود في المجتمع وإننا نعرفهم ونأكد ليهم إن هما مش لوحدهم وإننا كلنا جنبهم وإننا كلنا سند ليهم بعد ربنا .
•• طيب ممكن تقولي هل الحفلة نجحت بالشكل اللي كنتوا مخططين ليه ولا لا؟!
..والله احنا عملنا كل اللي قدرنا عليه وتقريبًا كل اللي جه في إرادتنا لقيام الحفلة بالشكل دا، وإن شاء الله الحفلة الجاية تكون مثالية أكتر من كدا، والحمد لله احنا وصلنا لهدفنا إننا أسعدنا أخواتنا الأيتام وكل الموجودين في الحفلة .
•• ممكن تقولي أي أكتر حاجة شجعت حضرتك إنك تكون مشارك اليوم في الحفلة؟!
..حبي في عمل الخير وإسعاد الأيتام ومساعدتهم وطبعًا علشان أدعم الفكرة إننا نقوم بـ حفلات كل أول جمعة من كل شهر، وإن شاء الله نفضل مستمرين
