جاي بيقولي خطب
بسهوله باعني وهجر
هان عليه دمع عيوني
والحسره اللي مداريها جفوني
هان عليه وجع قلبي
طب ايه ذنبي
ذنبي حبيتك وف قلبي خبيتك
ذنبي اني كنت ليك سند وفي ضهرك ولا الولد
خليتني قولت ياريتني ما حبيتك ولا شوفتك ولا كنت ليك بيتك
وجعي زاد والهم كتر وبعد طال وقلبي تعب
خلاص الذكريات بتقتلني وكأنها قاصده تعذبني
هنا اول ضحكه وهنا اول كلمه وهنا زعلنا وهنا بكينا وهنا اتصالحوا عنينا
هنا جبتلي ورد وهنا لبستك كوفيه للبرد
هنا كانت لحظه الفراق وهنا كان حكم الموت وهنا وانا بصالك بسكوت وهنا وانا عنيا بتترجاك وهنا لما كرامتي استلمت الموقف
وهنا لما النهايه اتكتبت بايدي وطلعتك من وريدي
وبعدها قالولي عاش من بعدك وحب ف بعدك
ضحكت ولا صدقت وقولت هنرجع بكره لقانا بمعاد
ولو حتى احنا بعاد
بس لقيته جاي عليا فرحت وقولت راجع اتاريه جاي بيقولي خطب
اقرأ أيضاً : مازلت أنتظر نفسي
اقرأ أيضاً : جبر الخواطر
اقرأ أيضاً : هيفيد بإيه الندم( الفصل الثالث)