نفسي
أعود من غربتي
وألاقي ف يوم نفسي
وترجع معاها ضحكتي
وكل ما ف نفسي
نفسي.....
وأرجع وأعيش جوه المكان
كل الاماكن
و أشوف فيها زمان
وأنا لسه
عايش طفولتي
نفسي....
لمه صحابي
أهلي وجيراني
ضحك وسهر
قلب كان عايش
فرح وأماني
هي دي كانت دنيتي
كان بكره فيها أقرب
ليا من همسي
نفسي...
نفسي
لما كانت كفوف أمي بتلمسني
وتبطب عليا
لما كنت انام
وأختي الكبيره بتحضني
وتحكيلي الحكايه
كانت علي طول بتنام عنيا
وأصحي من النوم فرحان
علي صوت أبويا
وهو بيسآل عليا
وصوت إخواتي
جوه البيت
مليا الدنيا من حوليا
نفسي...
نفسي أرجع
تحضني دنيتي
وتقولي كفايه
إرجع
طالت عليك غربتي
تعالا وأرجع
نفسي
........
مش بأيدي
أمحي سنيني اللي فاتت
وأرجع وأعيش دنيتي
ما أنا شايف كل حاجه فيها ماتت
لما بحاول إمد فيها بخطوتي
عشت الحياه
بكل ما فيها من قلق
وكان فيها
شئ غلط
بنيت قصور من حياه
ولقيتها كانت
مرسومه ع الورق
ولما جيت أحققها
لقيت عٌقُد السنين
منِ إيَديه فرط
وكل باب أخبط عليه
ألاقي الوهم ادامي
مادد ايديه
وأخدني علي سكه تانيه
كل شى فيها مباح وغلط
بمشي معاه
وأقول يمكن ف يوم
يلاقيني والقاه
ويخدني منه وأياه
وأخرج ل يوم
كنت بتمناه
ألاقي نفس الشئ
مادد إيديه
وعلي كتفي ربط
هتروح مني فين
هتروح وترجع
وتلاقي بردو
كل شى غلط
طب فين الصح
وفين الغلط
وفين أنا
من كل حاجه فيا ماتت
والشى اللي لسه
باقي مني
بردو غلط
نفسي
ومش بأيدي
أعود من غربتي
وألاقي ف يوم نفسي
وترجع معاها ضحكتي
وكل ما ف نفسي
نفسي......
إقرأ أيضاً/ذكريات
إقرأ أيضاً/لقاء صحفي من معرض القاهرة للكتاب
إقرأ أيضاً/دموع خادمة
