بالتزامن مع الحدث العظيم وهو نقل المومياءات حدثت أيضًا حوادث متتالية، حرائق، طقس متخبط وغيرهم أهي كما يظنها البعض لعنة الفراعنة؟
تعالوا الأول نعرف يعني إيه لعنة فراعنة:
هي إن أي حد بيحاول يزعج مومياء من العصر الفرعوني خاصة لو كانت لفرعون بتصيبه لعنة وده المتعارف عليه بين الناس إن الفراعنة أذكياء جدا وقبل ميموتو فكروا إنهم مش عاوزين حد يتطفل عليهم أو يحاول يسرقهم أو يزعجهم بعد ميموتو فحطوا لعنة سميت بلعنة الفراعنة إلا إن علماء التاريخ والآثار بعضهم مش معترفين بده وأي مشكلة بتحصل لحد بيدخل مقبرة لشخص مصري قديم وبعدها تصيبو أي مشاكل أو أحداث غريبة بيسموا ده إنه مجرد تصادف فقط كمان قالو إن سبب اللعنة دي بيكون مجرد بيكتيريا بتبقي في المقبرة نتيجة إن المكان بيكون مقفول عشان كده بيحصل مشاكل للشخص اللي داخل المقبرة زي إنه يتخنق أو يموت لأنه اتعرض لبكتيريا قوية.
طيب إمتى اتعرفت لعنة الفراعنة:
اتعرفت عند افتتاح مقبرة الملك توت عنخ آمون سنة 1922م واللي اكُتشفت على يد هوارد كارتر، ورغم إنه خلال حكم توت عنخ آمون لم يكن له أي قيمة تاريخية ولكن حصل توت عنخ آمون على أهمية كبيرة والسبب إن محدش من اللصوص قدر يمس مقبرته واللي وصلتلنا بعد ما يقارب ال33 قرن كاملة، العلماء في وقتها أول حاجه لاحظوها النقوش اللي كانت بتقول" سيضرب الموت بجناحيه السامين كل من يعكر صفو الملك" دي أول حاجه لاحظوها والغريب إن بعدها حصلت حوادث عجيبة وأولها هي موت كتير من العمال اللي كانوا بيبحثوا في المقبرة وده اللي حير العلماء وقتها وبردوا حير الناس واللي قالوا إن خلاص دي لعنة الفراعنة والأحداث دي خلت علماء آثار يصدقوا بلعنة الفراعنة وقالوا إن أكيد الكهنة القدامى حطوا لعنة لأي شخص يحاول ينقل الآثار.
المخيف إن في نفس اليوم اللي اتفتحت فيه مقبرة الملك توت عنخ آمون عاصفة رملية قوية جدا حصلت حول المقبرة وكمان اتشاف صقر بيطير فوق المقبرة والصقر عند المصري القديم هو من الرموز المقدسة عند الفراعنة الأحداث دي كلها خلت علماء كتير تبحث في الموضوع المريب ده عشان يوصلو لتفسير علمي.
بعد فتح المقبرة قال العالم هنري برستيد إن في حاجة مريبة هتحصل وحصلت فعلا حاجه ملهاش أي تفسير للآن ففي الاحتفال بافتتاح المقبرة محمد زكريا أُصيب بحمى غريبة الأطباء مكنوش لقينلها تفسير ومات محمد زكريا في منتصف الليل في القاهرة المريب إن في نفس لحظة وفاة زكريا انقطعت كهرباء القاهرة من غير أي سبب الحدث ده خلى العالم كلو يتكلم عنو بعض الصحف قالت إن سبب الوفاة بسبب الملك الشاب توت عنخ آمون، وبعضها قالت إنها بسبب بكتيريا من المقبرة، وبعضها قال إنو جُرح من حربة في المقبرة كانت مسمومه بسم قوي واحتفظت بسمها، وقتها الفلكي لانسيلان قال إن توت عنخ آمون انتقم!!
لم تنتهي المأساة عند هذا الحد ولكن بدأت بعدها الأحداث والموت بدأ يهاجم بعض أو كل اللي شاركوا في الاحتفال ومعظم حالات الوفاة كانت بالحمى الغريبة اللي حصلت لمحمد زكريا، كمان سكرتير هوارد كارتر مات بدون أي سبب ومن حزنه عليه انتحر والده والغريب إن في وقت تشييع جنازته الحصان اللي بيجر العربية اللي داخلها التابوت داس على طفل وقتله!!
كتير من اللي شاركوا في اكتشاف المقبرة أو كان ليهم يد ولو بحاجه بسيطه بعضهم اتصابوا بالجنون والبعض الآخر انتحرمن غير أي سبب
كل ده حير العلماء وخلاهم يكثفوا البحث في الموضوع المخيف ده.
وبعض العلماء قالوا إنها مجرد خرافة والدليل إن مكتشف المقبرة نفسوا محصلوش حاجه.
والبعض قال بسبب الهواء الفاسد اللي جوه المقبرة لأنها بتبقى مقفوله لآلاف السنين فالهواء اللي جواها بيسبب الاختناق والموت.
والبعض قال إنها بسبب الجن لأن الفراعنة معروف عنهم إنهم متمكنين في أعمال السحر وإنهم أقوى سحرة في العالم وعملوا كده عشان يحافظوا على مقابرهم.
ولكن العلماء لغاية الآن ملقوش تفسير علمي.
عزيزي القارئ هل تظن أن ما يحدث هو من وراء لعنة الفراعنة أم هي أقدار مكتوب حدوثها؟
إقرأ أيضًا/الملك أوسركاف
إقرأ أيضًا/درب ملوخيه
إقرأ أيضًا/"انوبيس"
