عودة تامر حسني لعش الزوجية

أعلن الفنان "تامر حسني" عن صلحه مع زوجته "بسمة بوسيل" من خلال نشر إستوري عبر حسابه بإنستجرام، حيث قال "بسمة حبيبتي.... للأسف إنتي مفكرتيش كويس وسلمتي ودنك لشر السوشيال ميديا...عشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتيني وحبتيني بيها, إزاي وصلوكي للزعل والبعُد فتره, المهم أنا مش هزعل منك ولا يرضيني زعلك إنتي حبيبتي وأم ولادي, أنا ظهرك وسندك مهما حصل, بس اللي عايز اقوله لعله نكون سبب خير فى توعية ناس كتير, ليه لما أي حد بيزعل من حد بيطلع يكتب عليه علي السوشيال ميديا".

إقرأ أيضا/"طحن في طحن "أحدث أغاني حماده هلال

وتابع حسني قائلاً "طب حتى يكلمه الاول, إيه علاقة الناس بمشكلة شخصية بين اتنين ممكن تتحل بالتليفون أو فى زيارة رحيمه ما بينهم ويارتها مشكلة أصلاً,,, ربنا جعل ما بنا مودة ورحمة علشان كدة, للأسف إنتي عارفة إن في ناس في طبيعتهم حب خراب البيوت, ومش هنخلص منهم, بس انتي اللي هتخلصي من فكرة إنك تسمعيهم, مع إنك مكنتيش كدا".

إقرأ أيضا/هبة مجدي تشارك فى السباق الرمضاني بمسلسل "موسي"

وأضاف حسني " ياريتك تركزي مع طاقة الناس اللي دعولنا ودعوا لأولادنا بكل خير,,, وفعلا أنا بشكر كل الناس والفنانين اللي سعوا في الخير لينا, وانا واثق إنك دلوقتي زعلانة إنك كتبتي كدا, هو تصرف متهور منك بس ولا يهمك مش عيب إن الإنسان يغلط ويتعلم وأنا ياما علمتك ولسة هعلمك كان نفسي الكلام دة يكون بينا لكن إنتي أشركتي الجمهور الكريم فكان لازم أرد هنا, بينا حب غالي وحياة كريمة واولادنا وبيتنا أغلي ما فيها ربنا يخلينا ليهم ويخليهم لينا يارب.... متهورة بس بحبك".

إقرأ أيضا/مايا دياب تخطف الأنظار بفستان أبيض