كتب المطرب "محمد شاهين" عبر حسابه الشخصى بموقع فيس بوك، قائلاً :"أنا بحبكم أوي يا جماعة والله العظيم، شكراً لشركة Lifestylezstudios، الكليب هينزل على قناة اليوتيوب الساعة 6 بليل على قناة الشركة، ادخلوا اعملوا اشتراك علشان تتفرجوا وتسمعوا الأغنية من إخراج عادل سرحان".
اقرأ أيضاً:هنا الزاهد..مسلسل"حلوة الدنيا سكر" بعيد عن المألوف
يذكر أن "محمد شاهين" كان قد أعلن رغبته في الاعتزال بسبب صعوبة الوسط، حيث نشر عبر حسابه الشخصى بموقع فيس بوك قائلاً :" أوحش حاجة هى الغربة في شغلها وفي مرارتها، إخص على الأيام والظروف اللي تخلي الواحد يروح لناس متعرفوش ولا يعرفها عشان لقمة العيش، إخص على الناس اللي خلتنا نتغرب علشان أكل العيش، الفن حلو لكن حالياً بقى ماسخ، الكبار بس هما اللي يقدروا يزودوا نجاحهم، أنا لو قررت أعتزل الغنا أقسم بالله ماهرجع له تاني وهشوف شغل تاني، اتبسطوا ياللي خايفين ومرعوبين متقلقوش الرزق موجود في كل مكان على الأرض".
اقرأ أيضاً:هيثم نبيل يروى تجربته مع كورونا
وتابع :"أنا هفضل أشقى ومش عايز حاجة من حد في الدنيا، أنا يكفيني إني عملت اللي أنا عايزة في حياتي وبقيت نجم ستار أكاديمي الموسم العاشر رغم كل الحاقدين، لكن دلوقتي أنا صبرت كتير، وفي الآخر بلاش فلسفة في الكلام ونبي يا متفلسفين، محدش بيساعد حد، أنا اللي هساعد نفسي بنفسي طول ما ربنا موجود وزي ما تيجي تيجي".
اقرأ أيضاً:حسن شاكوش يطرح أغنية بسكوتاية مقرمشة
