ولخواطرنا يوم وتجبر

 أوعي في يوم تستقوى على حد بكلمة أو تكون مصدر ألم وجرح ليه 

أوقات بنحس بالفراغ بنحس بالوحده وكسره القلب وخصوصًا من أقرب الناس لينا سواء كانو أهل أو صحاب مافيش حد يقدر يطبطب علي روحك المكسوره غير نفسك
في وقت الشده هتلاقي اتنين تلاته اللي وقفو جمبك والباقي بيهرب بالكدبه اللي بيقولها وبيصدقها، عمرك ما هترتاح في الكلام إلا مع شخص واحد بتحب تحكيله كل حاجه

====
أقرأ أيضا الشخصيه الشكاكة والشخصيه الاجتماعيه
====

 
 ولكن بتبقي عايز تطلع اللي جواك وتحكي للناس كلها وتصرخ بعلو الصوت لكن مش بتقدر وبتسكت ومبتقدرش تحكي فتلجأ للمكان الضلمه اللي بتقعد فيه وقتها تقدر تصرخ وتفضفض باللي جواك 
بترتاح من التعب اللي كنت شايله في قلبك عشان كده بنفضل الوحدة عن أى حاجة بنفضل العزله في غرفه ضلمه وباب مقفول علينا بنفضل المخده اللي بتبقي مليانه بالدموع بنفضل نبقي لوحدنا وبس، عشان مافيش جبر خاطر من حد، كله بيسيبك وانت واقف مكانك مش قادر تعمل حاجه وبتتفرج وبس 

====
أقرأ أيضا متصالح النفس
====

 
أوعي في يوم تستقوى على حد بكلمة أو تكون مصدر ألم وجرح ليه خليك دايمًا أبن أصول مع كل الناس و علم ولادك دايما أن جبر الخواطر عبادة من أعظم العبادات 

====
أقرأ أيضا الضرب أذيه مش تربية
====