التفاصيل بتعرفك قد أي الشخص اللي في حياتك بيحبك ولا لاء... بتزود عملية الاطمئنان الداخلي... ماهو اصل البني آدم لما بيطمن بيحب، كل حاجة ليها وقتها و تفاصيلها لو اتأخرت لحظة تفقد قيمتها و معناها، متحاولش تبقي مهمل في الأمور دي لأنها جدار العلاقة.. يا إما تثبتها و تسندها يا إما تقضي عليها بالبطئ، الاهتمام بالتفاصيل بيخلي اللي قدامك عارف قد أي هو مهم في حياتك، قد أي اي حاجه بيعملها ليها معني.
اقرأ أيضاً /انت قائد
احفر حبك و انحته في قلوب حبايبك و بتقديرك و اهتمامك بتفاصيلهم و وجودك في الوقت المناسب، علشان متخسرش حد بيحبك بالبطئ وساعتها تندم بس بعد فوات الأوان، الشيخ الشعراوي كان بيقول "إن تمنيتم شئ فتمنوا أن لا يريكم الله قيمة الأشياء بعد زوالها".
قدر قيمة اللي قدامك بالتفاصيل اللي في حياته، الرد علي الرسايل مايبقاش له قيمة لو جه متأخر، الكلمه، الحضن، الاحتواء.... الحاجات دي لو جات متأخر بتفقد قيمتها و حلاوتها.
اقرأ أيضاً /فوق الاشواك ورود
اختارو الوقت الصح في انكوا تظهروا اهتمامكوا و حبكوا لناس معينه، اختارو وقت يعلم و ميختفيش من القلب و العقل بسهولة، لفت نظري مرة واحدة في حفلة تخرجها و هي طالعه تستلم شهادة التخرج في قمة السعادة طالعه و هي ماسكه ايد مامتها و باباها، خدت الشهاده و مسكت المايك و قالت بكل قوة و حب في العالم انا ولا حاجه من غيركم... لو أطول اعيش خدامتكم والله اتمني بس ترضوا عني... بأست ايد مامتها و باباها قدام الناس كلها،
البنت دي اختارت الوقت اللي يفضل محفور جوا قلوبهم و ميتنسيش أبدا.
اقرأ أيضاً: لا اريدك ولن تنساني
