لما نحب نتكلم عن وقت العبادة في رمضان الأغلبية و خاصة البنات بيقولوا معندناش وقت كفاية علشان نزود ساعات العبادة ، و لما سألنا بعض الناس بعتولنا بعض النصايح و الأجوبة هنطرحها عليكم بإختصار لعلها تكون مفيدة و تساعد البعض منكم:
1-لازم تخصص وقت للدعاء بس كل يوم ساعة مثلاً و ترتب الدعوات و تقسم الساعه 20 دقيقة قبل الفطار و 20 قبل الفجر و 20 بعده ، الأوقات دى الدعوات فيها مستجابه و علي آخر الشهر هتكون دعيت 30 ساعة كاملة و الدعاء من أحب أنواع التقرب من الله و العبادة.
2- "أحب الأعمال ألى الله الصلاة في أوقاتها"
مع آية الكرسي ، و آداء السُنن و هي
4 ركعات قبل الظهر و 2 بعده
+ركعتين بعد المغرب
+ركعتين بعد العشاء
ركعتين قبل الفجر
3-أذكار الصباح و المساء بعد الفجر و قبل المغرب
"و سبح بحمد ربك قبل طلوع الشمس و قبل غروبها"
و بما إن مفيش صلاة تراويح في المساجد خلينا ملتزمين بقيام الليل و نعرف إن النبي عليه أفضل الصلاة والسلام كان بيقيم الليل بركعة واحدة ياريت منكسلش.
3-ختم القرآن و ده اتكلمنا فيه المره اللي فاتت في المقال ده
إقرأ أيضاً//لمسات رمضانية 7
و لازم نتعلم نحافظ علي صيامنا من المسلسلات و النوم و الشتيمه و العصبية بحجة الصيام
"رب صائم ليس له من صومه إلا الجوع و العطش"