متابعة الصحفية جهاد عصام
أنا مبسوطة إن حلمي متحققش وإني مدخلتش صيدلة
ريهام الشرقاوي بنت مصرية كان عندها حلم زي أى طالب/ة في ثانوي إنها حابه تدخل كلية معينة وهي كانت حابة كلية الصيدلة
ريهام حصلت على 97٪في علمي علوم
لكن مجالهاش صيدلية وجالها ألسن عين شمس مع أنها كانت الرغبة رقم ٤٨ والأخيرة
قالت: اكتئبت وزعلت بس بعد كده قررت أخد الريسك وادخل قسم كوري ومجري
وفي سنة تانية سافرت المجر منحة وفي سنة تالتة سافرت كوريا منحة وفي سنة رابعة سافرت المجر مرة تانيه لمدة سنة وبعد ما رجعت مصر اشتغلت في الترجمة والإرشاد وترجمت مع فرق رياضية في كذا بطولة دولية وبعدها ب سنة جالي شغل في ماليزيا وقعدت في ماليزيا سنتين
ريهام: أنا بشتغل من سنة أولى جامعة عندي ٧ سنين خبرة في مجال الترجمة والإرشاد وتدريس اللغة العربية للكوريين والعكس
ريهام: أنا مبسوطة إن حلمي متحققش وإني مدخلتش صيدلة
ريهام: أنا لحد دلوقتي سافرت ٢٠ دولة أنا لو كنت في صيدلة مكنتش سافرت اي مكان بحكم المذاكرة
ريهام نموزج محفز للطالب الطموح اللي مبيقفش ثابت في مكانه وبيسعى
ريهام: الثانوية العامة مش مقياس لأى حاجة ربنا بيحط كل واحد في مكانه المناسب
ريهام بتوجه نصيحة للطلاب: استفيدوا من الجامعة بقدر الإمكان سواء دراسة أو أنشطة وطور من نفسك ومن لغتك
وبتوجه نصيحة للأهل : سيبوا أولادكم تتعلم وتشتغل وتتعب وتسافر ومش هتندموا لما تلاقوهم بقوا نماذج مشرفة ويحتذى بها
