لما تيجي تعمل فورمة او تغيير لجسمك دايماً كلامك هيكون عن العضلات والدهون ولكن لازم متنساش العظام، بتبقى فاكر ان بعد سن ال20 خلاص عضمك كدا وصل لقمة المستوى ومش هيتغير… لكن دا مش مظبوط.
تعالوا نفهم ازاى:
اول حاجة لازم نعرف ان فكرة ان عضمك يقل في الحجم والقوة ويحصله تهدم دي شائعة ووارده جداً… والأسباب كثيرة، زي مثلا انك تكون عامل دايت قاسي لغرض النزول السريع في الوزن وبالتالي يبقي جسمك ناقصة شوية معادن و بيبتدي ياخدها من العظم.
––––––
اقرأ أيضاً:|شمس مصر|.. ابنك مش حرامي
––––––
سبب تاني هو السمنة، "وزن كبير على العظم وتحميل وزن عالي، ودا تحميل سلبي، فبسبب الحِمل الكبير دا عضمك يضعف وبيُستهلَك، ومن هنا بتيجي العلاقة بين السمنة ومشاكل المفاصل والخشونة".
كدة عرفنا ليه بيحصل هدم، تعالوا نعرف الوقاية؟! ازاى نمنع حدوث الكلام دا !؟ وازاى نقوي وندعم عضمنا؟!
Tips To Improve Bone Health.
فاكر في ابتدائي كنا بناخد حكمة ودرس جميل جداً في مادة العلوم، "العضو الذي يُستخدم ينمو ويكبر، والعضو الذي لا يُستخدم يضمر ويضعف"، عندنا هنا قانون، اسمه قانون وولف wolff’s law، ودا بيقول ان عظمك يتأقلم ويكيف نفسه على الوضع اللي انت حاطت جسمك عليه.
––––––
إقرأ أيضاً:|شمس مصر|.. غني ولكنه بخيل
––––––
على قد استخدامك وتحفيزك لاعضاءك على قد ما هتكون النتيجة، فلما تيجي تشوف ايه اكتر حاجة ممكن تحفز العظام على النمو والتحسن هتلاقي الاجابة بكل قوة في كلمة التمرين والرياضة، رياضة ومجهود بدني هيخليك تحط حمل ايجابي وصحي ونشط على العظام فبالتالي عظامك شكلها وحجمها هتبقى احسن وصحتها هتبقى اقوى واعلى.
وفي المقابل… الانتخه وقلة الحركة هتخلي عضمك بالبلدي ينام ويريح فبالتالي مع الوقت والعمر يضعف بشكل اسرع واكبر، وكمان لو في وزن زيادة معدلات ضعف العظام تزيد وتكبر.
ولما نيجي نتكلم عن التغذية، هنلاقي اهم حاجتين لدعم وتغذية العظام هما الكالسيوم وفيتامين د، الكالسيوم سهل جداً تاخد احتياج جسمك منه من الأكل والشرب.
فيتامين د هو من أكثر الفيتامينات المعقدة شوية، ومن أكثر الفيتامينات ال ف اوقات كتير معظم الناس بتحتاج انها تاخدها على هيئة كبسول أو مكمل غذائي، "و فيتامين د ممكن تاخده بأمان والجرعة بتاعته تكون معتدلة لو اخدت لحد ٢٠٠٠ وحدة دولية"، "والجرعات الأكبر من كدا 10000 او 50000 مينفعش الا باشراف دكتور التغذية ودكتور العظام المعالج، ولازم تكون بناء ع تحاليل معينة الاول"
––––––
إقرأ أيضاً:|شمس مصر|.. رائحة الفم الكريهة، كيف أتخلص منها؟
––––––
خلاصة المقال في كلمتين:
عضمك يقوى ويتحسن بالتمارين والرياضة بانتظام، "عشان كدا لازم كل واحد فينا يتمرن ويحافظ على الرياضة، حتى لو ابسط صور الرياضة وهو المشي السريع"، قلة الرياضة والمجهود البدني اكتر حاجة هتضعف عضمك وهتتعب لك مفاصلك، وأخيراً التغذية لعضم قوي معتمدة ع كالسيوم كافي وفيتامين د كافي.
