كالمعتاد تسعى جريدة شمس مصر لى إظهار المواهب والأشخاص الذين يسعون لتحقيق أحلامهم جميعهم لديهم أحلام مختلفة ومواهب مختلفة ومن ضمن هؤلاء الأشخاص معنا شخص يسعى دائمًا لتطوير ذاته في مجال الغناء في البداية نُرحب به وسنعرض عليه بعض الأسئلة الخاصة بِه وبـ مجاله الفني
- أهلًا بيك أستاذ أحمد في جريدة شمس مصر الإخبارية في البداية أنا وكل فريق شمس مصر مبسوطين من الحوار مع حضرتك
= أنا أكتر والله وأتشرفت بيكى وبكل فريق العمل
- في البدايه حابين نتعرف بيك
= أحمد مكاوى ٢٧ سنه من محافظة الإسكندريه "مغنى" بدأت من ٣ سنين بالظبط عندى ٥ مليون متابع على التيك توك وعلى اليوتيوب ١ مليون متابع وعلى الفيس بوك ٣٦٠ الف ".
- ممتن لمين من الناس اللي ساعدتك وهل فيه حد ساندك في بداية طريقك ؟
= مع الاسف مفيش حد خالص
- طيب ممكن تقولنا تصريح لجريدة شمس مصر بتحضر لى أي الفترة الجاية ؟
= فى اغنيه أنا بقالى ٣ سنين شغال فيها ولسه مخلصتهاش وهنزلها قريب إن شاء الله أكتر اغنيه شغالنى بـِ ان نفسى تطلع زى ما انا عايز إسمها ( مكتوب عليا )
- طيب أنت شخص ناجح في مجالك واكيد في ناس كتير من متابعينك عندهم أحلام عايزين يوصلوا ليها ممكن توجهه رسالة للشباب دي وتقولهم نصيحه ؟
= إنه يعمل حاجه بيحبها ميعملهاش عشان خاطر الفلوس لو أشتغل فى حاجه شايف نفسه فيها الفلوس هتيجى هتيجى بالصبر والمعافرة وأهم حاجه حرفيًا طول ما أى حد شايف نفسه فى مكان والله هيوصلو بس بتعب وصبر وإيمان بِـ ربنا أولًا وثقته بـِ انه دايمًا شايف نفسه إنه مش شايف نفسه غير إنه ناجح
اي طموح أحمد مكاوي في المجال وبتسعى لى أي ؟
= طموحى ان يبقى ليا أغانى الناس حافظاها وشغاله فى كل مكان والأهم وبسعى إن فى حاجه نفسى أعملها وإن شاء الله هعملها إني أغنى أغنية من الحان رامى جمال .
- في نهاية الحوار حابه أشكر حضرتك وكل فريق شمس مصر بيشكر وبنتمنالك التوفيق دايمًا في اللي جاي
= أنا اللى بشكرك على الحوار الجميل ده خلتينى اقول كلام عايز اقولو وربنا يوفقك انتى وكل فريق العمل إن شاء الله .
