الفرق بين الصورتين كيلو و 300 جم فقط، ولكن الفرق بين الجسمين لا يقدر بثمن، سمي الله وركز معايا في الكلمتين دول.
حجم الدهون كبير بتاخد حيز كبير جدا، مساحة حجم نصف كيلو دهون تقريبا بيكون اد حجم نصف كيلو عضل مرتين مع ان هم نفس الوزن بس الدهون بتاخد المساحة مرتين "زي كيلو قطن/قش *دهون* كيلو حديد/معدن *العضلات*، الاتنين نفس الوزن بس مساحة وحجم مختلف تماما"
––––––
––––––
انت كشخص ممكن تنزل من وزن جسمك حوالي 2 - 5 كجم فقط، ولكن شكلك يتغير بشكل عظيم وقوي جدا.
فدايما يكون هدفك انك تخسر الدهون بشكل صافي وفي نفس الوقت تحاول تزود عضلاتك، ولو مش هتعرف تزودها فالمهم أن على الاقل متخسرهاش / متنزلهاش.
ساعتها التغيير الشكلي بيكون عظيم وفرق الشكل والحجم هيخلي الناس او الي حواليك يقولوا انك عامل رقم كبير جدا جدا على الميزان. انت ممكن تبدأ مشوارك وتخلصه وتلاقي محصلة الميزان مش كبيرة اوي " 2 - 3 كجم أو 5 - 6 كجم بالكتير، او حتى تثبت على نفس الوزن" بس هتكون انسان تاني حرفيا
العضلات بتكون حجمها قليل وقوي وناشف/صلب, وبتدي المنظر المميز الشيك للجسم سواء فوق او تحت الهدوم، وحرفيا كل 100 جم زيادة عضلات كفيلين انهم يغيروا شكلك وكل 1 كجم صافي دهون نزول كفيل انه يعمل فرق في فورمتك. فهي مش بكترة الارقام ,,, على قد ما الأرقام دي هتكون جاية منين، خلي دايما مقياسك الأساسي هو شكلك أو حجمك والمنظر الي بتشوفه في المرايا أو في الهدوم.
––––––
إقرأ أيضاً:|شمس مصر|.. أبي… لكنني لا أحبه!
––––––
والميزان هيكون مهم ليك لو انت عندك وزن كبير "+ 15 كجم" عاوز تنزلهم! لكن لو غير كدا فمفيش ميزان تشغل بالك بيه غير الميزان التحليلي لكتلة الجسم اللي بنقول عليه بالعامية الانبودي، اللي بيطلع نسب جسمك ووزنك من دهون وعضلات.
افتكر دايما وانت في طريقك للفورمة، ان الشطارة والتمييز الحقيقي في انك تنزل دهون صافي وتحافظ على او تزود عضلاتك, لكن رقم الميزان مش هيفرق معاك في حاجة، انت مش هتعلقه ع صدرك وانت ماشي ف الشارع. شكلك أو حجمك وشياكتك وقوتك البدنية هم المقياس الحقيقي.عشان كدا دايما اي حد فاهم هتلاقيه بيقولك ان مفيش حاجة اسمها وزن مثالي, لكن ف حاجة اسمها شكل مثالي. بس كدا
