جميعنا لدينا أحلام ومواهب كثيرة تخلق مِنا شخصًا آخر ولكن ليس جميعنا نستغل هذه الموهبة للنجاح والتطور معنا اليوم شخصية رغم صُغر سنها إلا أنها أثبت نفسها فى مجالها ونجحت وحققت إنجازات كثيرة معنا اليوم الكاتب كريم أحمد عبدالعزيز الذي أثبت للجميع بإنه من يستطيع سيصل وبأن النجاح غير مرتبط إطلاقًا بالسن .
فى البداية نُرحب بكَ فى جريدة شمس مصر الإخبارية
عرفنا بنفسك :
- كريم أحمد عبدالعزيز
- 19 سنة
- بدرس أداب تاريخ في جامعة القاهرة
- كاتب روائي
الجميع فى بداية طريقة للوصول للنجاح يواجهه صعوبات كثيرة وفقدان شغف كيف تعاملت مع هذه الصعوبات وهل ترك بك آثر سلبي ؟
أجاب قائلًا : "كان أكتر حاجة بتواجهني هي جملة مفيش حد هيقرألك، مفيش حد هيسمعك.
كان أكتر حاجة صعبة معايا هي البداية و إزاي هنبدأ و أمتى هنبدأ
لحد ما قررت إني أكسر حاجز الخوف و قولت لازم نبدأ لازم تعمل حاجة حتى لو اللي هيقرأ و هيسمع واحد أو أتنين مش هتفرق مع الوقت الكلام هيأثر خصوصا إن بحب الكتابة الواقعية و مشاكل المجتمع".
متى بدأت هذا المشوار وهل لديك أعمال ورقية فى معرض الكتاب ؟
أجاب قائلًا : "بدأت أكتب من حوالي ٤ سنين بس بعد كده الموضوع تطور معايا و بقى أدمان من حوالي سنتين لحد ما قررت أكتب رواية و كانت بعنوان " لا علينا سوى التأقلم "
و هى هتبقى موجود في معرض الكتاب ٢٠٢٣"
اقرأ أيضًا /رانيا يوسف تُهنئ دنيا سمير غانم بمسرحية "أنستونا"
من هو قدوتك وهل هناك أحد يأثر عليك إيجابيًا وتتمني أن تصبح مثله ؟
أجاب قائلًا : "يمكن من أكتر الكتاب اللي شايفهم ناجحين على الساحة حاليًا الكاتب محمد صادق مؤالف رواية وفيلم هيبتا و الكاتب أحمد مراد صاحب رواية وفيلم الفيل الأزرق و دول من أكتر الكُتاب اللي بتمنى أوصل و أكون زيهم و يمكن برضو من أكتر الناس اللي اتأثرت بيهم محمد طارق و أبداعه في الأعمال الواقعية اللي بيقدمها و محمد طه في مجال علم النفس".
هل لديك مواهب آخرى بجانب الكتابة والتأليف ؟ وهل دائمًا تستطيع تطوير موهبتك ؟
أجاب قائلًا : " كنت بهوى لعب كرة القدم لكن حاليًا هى الكتابة بس اللي في حياتي و اللي بهتم بيها و دايمًا بسعى إني أنميها بالقرأءة لروايات جديدة و الكتابة أكيد على صفحاتي على السوشيال لنصوص و خواطر كل يوم تقريبًا".
هل اهتمامك بموهبتك يُسبب تأثير إهمال فى مجالك الدراسى ؟
أجاب قائلًا : " لا بالعكس أنا بحب الاتنين جدًا خصوصًا إن مجالي الدراسي ملهوش علاقة بالكتابة الواقعية اللي بكتبها و ده مخليني أكتسب معلومات أكتر في مجالات مختلفة".
اقرأ أيضًا /بجامعة مصر الدولية.... حفل حماقى القادم
إن كُنت تستطيع تقديم رسالة للشباب فما هى الرسالة ؟
أجاب قائلًا : "أسعى ورا حلمك اللي بتحبه و بلاش حاجة تعطلك، و خليك عندك يقين إن مش كل ظروف الناس زي بعض و أشتغل على قد ظروفك و مقدرتك و متحملش نفسك أكتر من طاقتك و خليك متعلق و واثق بربنا لأنه هو اللي هيكون سندك الوحيد في مشوارك لأن في ناس كتير هتسيبك في طريقك، فمتتعلقش غير به عشان لما الناس تسيبك متتعطلش بتعلقك بيهم".
من هو الشخص الذي تريد تقديم رسالة شُكر لهُ ؟
أجاب قائلًا : " أول حد بعد ربنا هى أمي أكيد اللي ساعدتني كتير إني أبقى بتكلم دلوقتي وكمان صحابي مش لازم أقول اسامي عشان هما عرفين أول لما أقول صحابي إني قصدي عليهم".
هل تعتمد على كتابة الروايات فقط أم تستطيع تطور ذاتك وتوسيع مجالك من كاتب روائي لـ سيناريست أو مؤلف مسرحى ؟
أجاي قائلًا : "أكيد كل كاتب حلمه يكون عمله موجود على التليفزيون و دا حلمي أكيد، و بسعى و هسعى إن دا يتنفذ قريب إن شاء الله زي ما حققت الحلم الأول إني أعمل الرواية أكيد الحلم التاني مش هيبقى صعب و بعيد".
