سألت نفسي مليون سؤال وملقتش عليه جواب يعني اي الحب ويعني اي الاحباب يعني اي اتوه من نظرة أو سلام أو يكون شخص هو كل الأحلام يعني اي الفارس الهمام اللي في يوم هيخطفني على الحصان يعني اي الدنيا تحزن لو في لحظة تروح بعيد يعني اي أصبح وحيدة مجرد حتى متروح تنام يعني اي سكوتي يشرح ليك كل الكلام يعني اي ويعني اي مش لقية اصلا كلام عشت قبلك سنين كتير كنت بحلم بيوم لقاءك كنت صورة مجهولة ليا مش بتيجي قصاد عنيا كنت حلم بعيد كتير كنت رافضة يكون لك بديل فضلت أعافر وقول خلاص بكرة يجي الفارس ويثبت لكل الناس إن انتظاري كان صحيح وإن استنيت عشان أعرف أعيش معاك في جنة ماتنتهيش، وإن الحياة لو تغيب عمرها ما تصيب وإن القلب من غيرك يدق ليك ولو في يوم زعلت أو بكيت قلبي يصرخ أو يموت فعلاً، أنت كنت حلم، كنت حلم بعيد كتير كان ملمحه مش بتوضح بس قلبي لما شافك قال هو دا حلم السنين حتى لو كنت بين الملايين قلبي يعرف حبيبه فين
مش شرط أكون شيفاك أو اتكلمت كتير معاك عشان أحبك وأعيش أهواك أو أخلصلك وعمرى ما انساك الحب مش بتشوفه العين أو العقل بيسأل فين الحب دقة بتحي القلب دقة تميزك عن أي حد اللي يشوفك يقول دا عاشق مين زيه ولا هيلاقوا في يوم رد أصل الحب من الألغاز وكتير احتار فيه الناس بس اجتمعوا أنه حياة وبيه الدنيا تحلى ويرتاح القلب ويزيد الإحساس.
-----------
اقرأ أيضاً: بين ما نريد وما لا نريد
------------
اقرأ أيضاً: وجودك حياة
------------
اقرأ أيضاً: أنت لي
------------
