إليك أفضل الطرق الفعالة لجعل طفلك يأكل
1- احترموا شهية طفلكم
لو طفلكم مش جعان، ماتجبرهوش على الأكل و متغريهوش إنه لو أكل حاجة معينة هاتكافؤه؛ ده ممكن يؤدي إن المشكلة تزيد.
2- التزموا بالروتين
قدموا الوجبات والوجبات الخفيفة في نفس الأوقات تقريبًا كل يوم، لو اختار طفلكم انه مايكلش الأكل الأساسي فوقت الوجبات الخفيفة المنتظم هيوفر فرصة أنه ياكل أكل مغذي و صحي
3- اصبروا مع الأكلات الجديدة
غالبًا الطفل بيلمس الأكل الجديد أو بيشمه ممكن يحتاج الطفل إنه يتعرض للأكل الجديد كذه مرة عشان يتعود عليه.
شجعوا طفلكم بالكلام عن لون الأكل وشكله و ريحته وملمسه، استمروا في إنكم تعملوا اختيارات صحية لأطفالكم لغاية أما تكون مألوفة ومفضلة.
4- ماتقوميش على طول تطبخي أكلة تانية بدل اللي مش عاجب طفلك ،ده هيؤدي لتشجيع إنهم مياكلوش
خلوا الطفل يفضل على الطرابيزة في وقت الأكل حتى لو مش هياكل.
اقرأ أيضًا:|شمس مصر|.. أسرار الثقة بالنفس
5- خلي الأكل الجديد ممتع
-مثلاً قدموا البروكلي والخضروات التانية مع صوص أو الصلصة المفضلة ليهم.
-قطعوا الأكل لأشكال مختلفة
-قدموا مجموعة متنوعة من الأكل بألوان فاقعة و واضحة.
6- استعينوا بمساعدة طفلكم
في السوبر ماركت ، اطلبوا من طفلكم يساعدكم في اختيار الفواكه والخضروات، والأكل الصحي.
. ما تشتروش أي حاجة مش عايزين طفلكم ياكلها.
و في البيت شجعوه على مساعدتكم في غسل الخضار وتقليب الأكل أو تجهيز السفرة.
اقرأ أيضًا:|شمس مصر|.. ممنوعات على الأطفال
7- كونوا قدوة كويسة
لو الأهل بياكلوا أكل صحي ففي الغالب الطفل هيقلدكم.
8- كونوا مبدعين:
ضيفوا البروكلي المفروم أو الفلفل الأخضر لصلصة الإسباجيتي
أو اخلطوا الحبوب مع شرائح الفاكهة، أو اخلطوا الكوسة والجزر المبشور في الطواجن والشوربات.
9- قللوا أي مشتتات
اقفلوا التليفزيون والأدوات الإلكترونية التانية وقت الأكل، ده هيساعد طفلكم على التركيز و هو بياكل.
10- ماتقدموش الحلويات كمكافأة.
وأخيراً لو كنتوا قلقانين من أن الأكل الأنتقائي بيضر نمو طفلكم وتطورهم، فاستشيروا الطبيب الخاص بكم.
