فى أكلات كتير ممكن الأم أنها تفكر أنها مفيدة لطفلها، بس لو طفلها أكلها ممكن يحصلوا مشاكل كتير جدًا من التعرض لبكتريا، أو الإصابة بحساسية وتسمم.
ونذكر من الأطعمة الممنوعة ما يأتي:
- العسل اﻷبيض:
تناوله يؤدي التعرض لميكروب الكلوستريديوم وده ممكن يعمل تسمم للطفل.
- اللبن البقرى والجاموسى:
لأن الحديد فيه قل والصوديوم كثير وده عبء على الكليتين عند البيبي.
- الملح:
الطفل واخد كفايته منه من لبن الأم أو الصناعي، عبء على الكليتين وبالتالي ممكن حصوات، ارتفاع في الضغط خاصة (لو تاريخ عائلي)، هشاشة عظام بعد كده.
- السكر:
ممكن بسبب السكر الطفل يرفض الرضاعة، يؤدي لتسوس أسنان، وسمنة وسكر وأمراض قلب بعد كده.
––––––
اقرأ أيضًا:|شمس مصر|.. كلمتين في صحتك
––––––
وأي أكلة بتكون على شكل قطع صغيرة دائرية أو صلبة سهل الطفل يشرق فيها زي مثلا قطع الحلوى، البندق والمكسرات، الذرة الصفراء، والجزر لازم يبقى مطبوخ، والعنب لازم يتقطع وعلشان كده ممنوعة تحت أربع سنوات.
بعض الأكلات الي بِتُحضر في البيت زي الجزر، البنجر، الفول الأخضر، السبانخ تحتوي على كميات غير قليلة من مادة النيترات (تسبب نوع نادر من الأنيميا) فعشان كده مش مستحبة في الشهور الأولى خاصة تحت ست شهور لكن مسموح بالمعلبات الجاهزة منها.
––––––
اقرأ أيضًا:ف
––––––
في بعض الأكلات اللي ممكن تعمل للطفل حساسية قبل ٦ شهور زي السمك والبيض، لكن الاكلات دي احنا ممكن ندخلها عادي ابتداءاً من الشهر السادس للطفل، بس ندخلها للطفل في البيت مش في النادي ولا في المطعم عشان نراقب الطفل كويس لو حصل أي علامة من علامات الحساسية.
ولو الطفل نفسه عنده حساسية جلد (إكزيما) من الدرجة المتوسطة الى الشديدة صعبة العلاج أو لو أحد الإخوة عنده حساسية شديدة من أكلة معينة يستحسن نبلغ الدكتور المعالج علشان احياناً، بنحتاج نعمل اختبار حساسية الأول.
––––––
اقرأ أيضًا:|شمس مصر|.. أسرار الثقة بالنفس
—––––
ما هي علامات الحساسية؟
طفح جلدي، تورم بالوجه، ترجيع، إسهال، كحة وصعوبة تنفس، هزلان وشحوب الجلد.
ماعدا هذا- الممنوعات التي ذُكرت - ممكن الطفل يأكله من غير ترتيب محدد (لا يوجد دليل علمي على ترتيب معين).
