عرفت الشعر من يومك
ما كل الحسن من كومك
بقيت شاعر عشان خاطرك
عشان اوصف جمال شَعرك
حرير ولا دا خيط دهبي
نسيج من نور
والف وادور
والف وادور مع النسمه
تهز الشعر
تهز معاها وجداني
تسيب روحي نوم الوحدة
تقوم تصحى تقولك شعر
عشان توصف جمال عينك
دي عين دي ولا قاع البحر
اعوم فيها
اغوص واغرق
ف ينقذني حنان قلبك
عشان احيا أقولك شعر
عشان اوصف جمال خدك
ومش أدك
على مهلك
يا ورد الخد
دا ورد الخد أخدودي
فيه نار آيده
وقعت انا فيه ورا جدودي
ضحايا العشق من غير عد
لكني رجعت
دموع شوقي طفت ناره
رجعت معايا أسراره وأخباره
عشان اوصف جمال عينك
عامود شايل قمر طالع جميع الشهر
وصلت خلاص كشفت السِر
كنوز اللؤلؤ المحبوسة ، بهواها ولو بوسة
اكون اغنى من السلطان
وجوا لسان اذا اتكلم
جميع الخلق تتعلم
لا يفرق لون ولا أديان
سمعته وشوفت انا أدك
قوام حطيت انا عندك
ازقزق فوق غصون عودك
قوام شجرة من الأحلام
بتطرح فل مع رمان
ومن امتى يا حب العمر
بتطلع فاكهه مع أزهار
ولكن كله من ايدك
عشان اوصف جمال جيدك
جمال حسنك، بحور جودك
دا انا ف عينك بقيت غرقان
غرقان وعاوزك تنقذيني
حسسيني بالأمان
انقذيني من الهلاك
ههلك بدونك
وحدي هناك
انقذيني انقذيني
....
اقرأ أيضاً: | شمس مصر|... التعاون المتبادل بين الناس
اقرأ أيضاً: خاطرة غربتي وطن
