جيتي وحبيتك
بعدتي وحشتيني
رجعتي وزاد حبك
ورجعتي وحشتيني
بس دا مش دلوقتي
دا كان
لكن دلوقتي انا مش ندمان
ماندمتش ولا هندم أبداً
بالعكس انا زدت كتير بعدك
خبرة وعقل بقيت فهمان
قسوة وكبر بقيت قادر
ابعد عنك وافضل في أمان
واهو حبك من قلبي يغادر
انا مش عاوزك تاني خلاص
مبقاش ليكي ف قلبي مكان
عقلي كمان طردك م الراس
مبقاش عاوزك هو كمان
ف انا مش هطلب تاني تعودي
اتعودت على بعادك
لغيتي وعودك ووعودي
عودتيني ع الغدر كتير
كنت بحبك ايوه كتير
آه حبيتك
بس خلاص دلوقتي نسيتك
زعلانه ليه
مش قولتي خلاص انا مش عاوزاك
ابعد عني خلاص هنساك
طب اديني بعدت
باعتالي تاني تقولي ارجعلي
عاوزاك تبقى دوايا لزعلي
طب كان ليه م الأول يعني
ما كنت ف إيدك
كنت ف قلبك
وانتي ف قلبي
كنت بحبك
وانتي تخبي
وتقولي جواكي انا حاباه
طب ماتقولي بلسانك، خايفة؟
خايفة على كرامتك على تقلك
ليكي قيمة كبيرة وكاريزما
الأول بتشاوري في عقلك
وانا وكرامتي ولا لينا لازمة
طب دلوقتي زعلانه ليه؟
فاكراني فاكرك أو ندمان؟
انا مش فاكرك واندم ليه
جايه تقولي نكمل بعض!
انا من غيرك ناقص ايه؟
هنضحك على بعض
انا مش ناقص
بيكي من غيرك عايش فل
مبقاش ييجي معايا كلامك
جايه بحوارات، لأ قولي للكل
لكن عندي تقف أحلامك
مبقاش ييجي معايا كلامك
خليكي ل تقلك وكرامتك
وانا مش عاوز حبك تاني
قلبي خلاص مش عاوز قلبك
من دلوقتي هيبقى أناني
هعيش انا عمري لوحدي واسيبك
إنسيني خلاص ما انا بردو نسيتك
آه حبيتك
بس دا كان
لكن دلوقتي انا مش ندمان
اقرأ أيضاً: | شمس مصر|... ماذا لو جاء معتذرًا؟
اقرأ أيضاً: أصدقاء ولكن غرباء
