عن الحزن اللي ساكن قلبك
عن الصدمة اللي عايش بيها
عن الحالة الكئيبة في عمرك
هحكي أنا للكل عليهـــــــــــــــا
متستغربش أنا عارفــــــــــك
مش سحر أبداً ولا خرافــات
بس أنا عشتها زيـــــــــــــــك
كنت صغير تحلم بكرا تكون طيار
بطير بأحلامك وتوديها منين تختار
كانت الضحكة بتطلع منك من قوتها تنزل دمعة
كانت الفرحة تملي في قلبك
قبل ما تعرف شكل الدنيــــــا
بس وفجأة بدون مواعيـــــد
حسيت قلبك مش في مكانة
شكل الدنيا حقيقي اتغيــــر
مبقاش زي ما كنت صغيــــر
دنيا بتئذي الطيب جـــــــــداً
وبتستقوى ع الغلبـــــــــــــان
دنيا غريبة بجد تحيـــــــــــر
أقوى ما فيهم حد جبــــــــان
يئذي ويجرح خلـــــــــق الله
ولا يرحمش حبيب أو غالي
أنا عارف انك مجــــــــــــروح
من شخص كان جداً غالي
كان بيقولك انك نبضه وان الدنيا ما تسوى بدونك
كان دايما يسهر في كلامك...
كنت معاه ع الشات يوميـــــا
وفجأة اتغير من قدامــــــــك
قال مبقتش استحمل قربك
فهجرب بعدك يمكن أعانـي
يمكن أرجع أحبك تانـــــــي
أنا عارفك حزين وكئيـــــب
عايز حضن حقيقي بجــــــد
من أهلك يحنـــــو عليـــــــك
عايز حد يفهم رأيــــــــــــــك
لما بتحكي يسمع ليــــــــــــك
يفهم كل مشاكلك دايمـــــــــا
وميضحكش بردة فعـــــــــل
انت الفاضي كلامك وهــــم
عارفك جـــــــــــــداً اه واللـه
نفسك صاحبك يبقى أميـــن
لما بيسمع عنك كلمة يرد ف غيبتك ويبقى رزين
عايز صاحب يبقى الأهــــــــــل
كل أسرارك تبقى معــــــــــاه
وف خلافتكم يبقى الضهر
يحفظ سرك ميخونش العهد
عايز صاحب مهما تغيـــــــب
تفضل عنده أغلى حبيـــــــــب
عارف انك مش هتعيــــــش
في وسط الدنيا الا تعيـــــس
لا لاقي الحب يكون الدفا
ولا لاقي الفرح يغير أسى
قسوة الدنيا وحرب الناس
طبع ولازم تؤمن بيه
إفرح غصب
داري الحزن الباين جداً
رغم الضحكة أثرة عليك
فرح كل الناس حواليك
غمض عينك عن أخطائهم
حتى تعيش العمر عشانك
قلبك محتاج ضحكة بجد
مات من كتر ضحك الكذب
ارحم قلبك بفرحة بجد
قبل ما يجي الموت ويهد
ومتبقاش للذكرى أثـــــــــر
ارحم قلبك دا أنت بشــــــر
....
اقرأ أيضاً: |شمس مصر|.. خواطر قلبي المبعثرة
اقرأ أيضاً: |شمس مصر | التحرش ضدالمرأة
