"صعوبتها في سهولتها"
بشوف إن من أهم الصفات المطلوب توفرها فينا الأيام دي وأصعبها في نفس الوقت هو الرضا.
احنا بنمر فعلاً بفترات صعبة وهتلاقي كل واحد منا جواه كمية حاجات متلغبطة كتير أوي وحاسس بحِمل يمكن من أقل حاجه، شايلين وشايفين حاجات وبنعديها يمكن الأجيال السابقة لينا مش عارفه تستوعبها وده مش عشان قلوبنا قاسية ولكن إحنا للأسف اتحطينا في بيئة متغطية بالاحداث دي ويمكن بنشوفها من يوم ما وعينا على الدنيا... اتعودنا أو لا لكن ده لوحده أكبر من طاقتنا خليني اقولك إن مفيش حد فينا هيقدر يعدي من الفترة دي غير اللي فعلا عنده رضا جواه وقادر يفرح ويكتفي بالحاجات البسيطة اللي في ايده... ربنا يرزقنا جميعا الرضا.
أقرأ ايضا: |شمس مصر|.. سندي الذي لا يميل
أقرأ ايضا: |شمس مصر|..حب التملك وعلاجه
