أنا مش بخير فسامحوني
معتش في بينا أي كلام
أنا قلبي داب م الوجع
مبقاش تمام
كسرة القلب اللي كانت
طلقة جوا الصدر بانت
نزفت ألم وجراح وذل
أنا انتهيت مبقاش لي رغبة
في الحياة ولا حتى صوت
أنا حد كان طيب أووي
فرحان أووي وكان سعيد
معرفش ليه حالي اتقلـــب
والحزن ساكن في القوليب
في ناس تحاول تكسرك
في عز تعبك تخسرك
بجرحي دايمًا مبسوطين
وناس تملي تفكرك
إن الحياة ملهاش مثيل
انت مين
انت حد ضعيف زيادة
حد رافض السعادة
انت راضي تعيش حزين
فين زمان والفرحة باينة
فين دموع الفرح تطرح
م السعادة أحبال كتير
فين زمـــــــــــــان
فين أبويا أبو قلب طيب
بالحنان دايمًا يطيـــــــــب
فين صحابي فين ملامحي
كل حاجة مبقتش هيــــــــه
كل لحظة عشتها كانت وجع
حتى فرحي من كام سنة
كان كل زيف وكدب بيين
أنا مليش في الدنيا حـــــد
ودا حقيقي بجد حالـــــــــي
أصبح القلب في فــــــــــراغ
بيتمنى موتة كدا في ثواني
اقرأ أيضًا:|شمس مصر|.. أمي هي الأمان لكل عمري
اقرأ أيضًا:|شمس مصر|.. أمي نهر عطاء وطيبة
اقرأ أيضًا:|شمس مصر|.. بداية العمل الناجح
