تتعدد الفنون وتتغير أنواعها وتظهر أنواعًا جديدة وتبقى فنون الرسم حجر الأساس والركن الأساسي في الفنون يبقى الركن الهادئ ذو الطابع الساحر الذي يسحبك للتأمل والتفكير لتدبر معنى اللوحه وبالأونه الأخيرة استحوذ نوع من فنون الرسم وهو " الفن التشكيلي" على السوشيال ميديا ونال إعجاب الكثير ..... ظهرت لوحات "يوميات عاشق" للرسام الكبير " عمرو أمين" يوميات عاشق عبارة عن نوع فن تشكيلي عبارة عن رسومات تعتمد على الحركة أكثر دون الملاح ومقتبسه من مفردات بصرية للمعابد الفرعونيه"
ومن ضمن جمهور السوشيال كانت جريدة شمس مصر من المتابعين ليوميات عاشق وأجريت حوار صحفي خاص لجريدة شمس مصر مع الرسام " عمرو
أمين"
وفي خلال الحوار الصحفي تعرفنا على تفاصيل بداية وحياة الفنان" عمرو أمين "
اسمي عمرو من مواليد محافظة الفيوم ابتديت حياتي في قصور الثقافة والطلائع والأنشطة كنت بشارك من وأنا صغير وكانت عندى موهبة الرسم اثقلتها من خلال قصور الثقافه وكنت بشارك في دريكورات المسرح وأنا في سن صغير جداً عملت أول معرض ليا كانت افتحته السيدة سوزان مبارك كان وقت افتتاح مكتبة الطفل كنت أنا من الناس الأوائل اللي عملوا أول معرض صولو كان أول مره اشوف نفسي في الجرايد والمجالات كان الوقت ده وبعد كده طورت نفسي وأنا في ثانوي كنت برسم في مجلة "صباح الخير" عن طريق مراسلة كنت ببعت شغلي وكانت بتتنشر في باب في مجلة "صباح الخير" كان أستاذ إبراهيم عبد الملاك هو المسؤول عنه
وبعد كده دخلت كلية التربية الفنيه ولما روحت الكليه حسيت إن أنا قدراتي أكبر من الناس الموجودة لأن أنا عندي خبرة سابقة في المجال فكنت متميز أكتر عن باقي زمايلي في الفتره دي تواصلت مع أكتر من دار نشر زي دار الامل ،وكالة البنا أكتر من دار نشر اتعاملت معاه عملت حوالي مئتي كتاب أطفال وأنا في الكلية كنت بصرف على نفسي من خلال الكتب دي اتخرجت اشتغلت في مجال الميديا اشتغلت كجرافيك دايزينر كنت من أوائل الناس اللي اشتغلت كجرافيك دايزينر انا خريج سنة ٩٥، ٩٥ نظام الإعلانات والجرافيك كانت لسه في البداية في الفترة دي بقا عرفت حاجه اسمها "استوري بورد" اللي هي أرسم الإعلان قبل ما يتصور يعني أي إعلان تلفزيوني لازم يترسم قبل ما يتصور فخدت الخبره دي بقا وبقا عندي الحس الدرامي عشان الإعلان بيبقا في كده بعض المشاهد بيبقا فيها أكشن بتترسم ... بعدها جتلى فرصة عمل في الكويت عام ٢٠٠٤ قعدت اشتغلت مع المكفوفين من خلال تعليمهم الرسم وطبعا ده كان تحدي ابتديت أعلمهم من خلال الحاجات الملموسة الخزف والنحت أشغال فنية وطلعت نتايج كويسه جداً وبعدين رجعت مصر وابتديت فكرة يوميات عاشق وعملت برنامج المرسم عبارة عن 40حلقة تسجيليه كل حلقة بتتناول فكرة فسافرت كل محافظات مصر تقريباً عشان أصور مع كل فنان في كل محافظة وبعدها ابتديت أركز أكتر في يوميات عاشق بجانب شغلى برا مصر عن طريق الإعلانات سواء في مدينة الرياض الترفيهية او الكويت ....
وفي تصريح خاص لجريدة قال "عمرو أمين " جت فترة اشتغلت في الكاريكتير وبعدين ابتعدت خالص عن فكرة الكاريكتير واخدت استايل تاني خالص لأن الكاريكاتير بيبقا في تشبهات كتير بين كل الرسامين وفروقات بسيطة جداً كنت حابب اتميز بنوع رسم معين وفي حته فنية مقدرش أمسك انه ده كاريكتير لا ده في فن ،كمان أنا عايز اللوحه بتاعتي لما حد يشوفها يحس كأنها بتمسكه من حته معينه
اقرأ أيضاً: |شمس مصر|.. نهي نبيل تستقيل مولودها الرابع
وانتقلنا معه من مرحلة التعرف به لتفاصيل اكثر عن فنه وكيفيه تمكنه أنه هو من يتحكم في طريقة نظرة الجمهور للوحه حيث أوضح قائلا. " زي ما انتى عارفه لو جبت ثوب أبيض وحطيت نقطة سودا عينيكي هتروح على النقطة السودا هي نفس النظريه عندى مجموعة من الألوان تسمى الألوان السخنه والألوان الباردة لو حطيت نقطة لون سخن على مجموعة كبيره من الألوان الباردة عينك هتروح على اللون السخن فأنا بتحكم من خلال كده ازاي أسحب النظرة الاولى للمشاهد ناحية ايه في اللوحه
إقرأ أيضاً: |شمس مصر|.. إلهام شاهين ترد على مطالبات مي العيدان لها بالاحتشام
وحين سألناه عن كيفية بداية " يوميات عاشق " وماذا عن سر اختيار اسم " يوميات عاشق للواحات "
قال "عمرو أمين "
يوميات عاشق أنا كنت في الكويت وكان في المعرض العام وكانت فكرته عن الرومانسيه وطبعاً أنا برا مصر مبشاركش في المعرض العام وكان ليا صديق عزيز عليا وكان عايز يشارك في المعرض طلب مني ارسمله إسكتشات عملت الإسكتشات وبعتهاله قالي لا مش حلوة وبشكرة أنه قالي كده خدتها زي ما هي نزلتها على الفيسبوك وطبعا كانت البداية.. كان عندي ٢٠٠ متابع حاليا أنا عندى حوالي ٤٥ الف متابع
وأوضح عن اختياره لاسم " يوميات عاشق " لأن أنا لقيت في تشابه بين البطل وبين حياتي الشخصية أصلا في ناس بيعملوا إسقاط على البطل ده هو أنا فهي كلها عبارة عن مواقف حياتيه وبقتبس منها وبعدل فيها دارميا شويه لذلك تلاقيني أنا مبرسمش طبيعية صامته برسم مشاعر وعبارة عن كلامنا عادي يعني ممكن تقولي ده مكبر دماغه تلاقيني راسمه دماغه كبيرة كان في رسمه عباره عن الاتنين راسهم جزمه " التفسير الاتنين مخهم جزمة" كلام عادي بتاعنا بحول الكلام لحاجة بصرية مجرد ما شوفتيها تفتكري الحدث او المثل
وحين سألناه "هل ممكن أن تنتهي فكرة يوميات عاشق" فصرح قائلا : لو آدم وحواء انتهوا من حياتنا يبقا يوميات عاشق انتهت لكن دايما بسعى للتجدد ولكن أنا لو توقفت عن فكرة هبقا زيي زي غيري
واوضح إجابة سؤال تداول كثيرًا بين متابعينه "لماذا أبطال يوميات عاشق دائماً بدون ملامح " حيث أوضح إجابتة هو استايل في الرسم وعايز في سكون في اللوحه أنا عايز المتابع يتأمل اللوحه فأنا لو دخلت نظرة العين والملامح بفرض على المتابع تعابير معينه لكن أنا بديهم فرصه يعملوا إسقاط شخصي على نفسه وده واضح في الكومنتات كل شخص بيشوف اللوحه بطريقه مختلفه وتفكير مختلف فادايمًا بعتمد على فكرة الأداء الحركي أكتر وعدم وجود العين في الملامح بيدي هدوء أكتر دايما بقول أنه المشاهد اللي قاعد في الكرسى الاخير في المسرح مش شايف ملامح الممثل لكنه شايف حركة الممثل والإضاءه فالأداء الحركي دايمًا اعتقد بيعبر أكتر
وفي تصريحات خاصه لجريدة شمس مصر قال "عمرو أمين" أن لوحاتة تستخدم في الطب النفسى حيث يستعملها الأطباء النفسيين في الاختبارات الإسقاطية وفي ختام معرضه الأخير جاءت مجموعة من الأطباء النفسيه وأقروا أن لوحاته تستخدم في العلاج بالفن
وحين سألناه عن عدم توضيح معنى اللوحه دائما ولا يوجد وصف للوحة أوضح قائلا "أنا لو كتبت يبقا مش هرسم ولو رسمت يبقا مكتبش لكن أنا بدى مساحة تفاعليه بينها وبين المتلقي كبيرة جداً مبفرضش عليه معنى معين للوحه وبفوجئ بإتجاهات جديدة بتفتحلي مواضيع وأفكار جديدة لذلك مبحبش أوضح أي وصف لمعنى للوحه
وانتقلنا معه لسؤال جديد عن إفادة السوشيال له وهل أعادت بشئ كويس أم قابل الجانب السئ منها
أوضح قائلا " السوشيال معايا كانت فايده كبيرة أنا بمشي في الشارع أحيانا والأقي الناس بتبص وبتشبه عليا ويقولي أنا عارفك أنا عندك على الفيسبوك ومتابعك حسيت السوشيال مردود كويس والشريحة بتاعتي بقت أكبر يعني الفنان التشكيلي ممكن يببع لوحه واحده لواحد ثري يعني لكن أنا شريحتي بقت أكبر ولوحاتي ممكن تلاقيها مطبوعه في كزه مكان وكان في أشخاص في أمريكا واخدين لوحه من لوحاتي حولوها لفيديو وجابت خمسه مليون مشاهدة في يوم .....وفي نفس الوقت عرفت أيه الجانب السيئ اللي ممكن يجي من السوشيال ميديا وابتعدت عنه
وحين سألناه عن سر تكرار اللوحات ذات فكرة أن آدم رجل متعدد العلاقات او أنه كان هكذا وحواء حاولت تصليح هذا الجزء عنده
أوضح أنه جرب كل الحالات ولكن دائماً المتابعين بتوعي بتتنال إعجابهم أكتر وبيعلقوا على النوع ده من اللوحات يعني في لوحة فكرتها هو ضامم ستات كتير بين إيديه اللوحة دي كسرت الدنيا جوا مصر وبرا مصر رمستها الساعه ١٢ بليل ونمت شايف إنها رسمه عادية وصحيت فوجئت بعدد الشير واللايكات
ثم انتقلنا معه في جولة بسيطة عن فكرة الفن التشكيلي
الفن التشكيلي يعتبر حاجة تعبيريه بينتمي لمدرسه تسمى المدرسة التعبيريه هي بوصلك رسالة من خلال التعبير الحركي أو البصري الموضوع بتاع أدم وحواء فن تشكيلي بيحكي في مجال العاطفة أو المشاعر تجاه الجنس الآخر أوقات يكون في حالات من الحزن من الإنفعال الرومانسيه فتبان في اللوحات في خط كده رابط بين كل اللوحات هو الكابتن البطل بتاعي بتاع يوميات عاشق
إقرأ أيضاً:... |شمس مصر|.. يسرا تكشف تفاصيل دورها في مسلسل أحلام سعيدة
وفي نهاية الحوار الصحفى تشرفت جريدة شمس مصر بلقاء الرسام الكبير " عمرو امين
