بكرة جاي وجاي موتــــــي
إوعي تبكي يامة أوعــــــي
إوعي تنكسري بسكوتــــــي
خلي بالك مــــــــــــن ولادي
هتشوفي ملامحي وفي وشهـم
وحتي فرحي في فرحهــــــــــم
لما يبكو
هتلاقي دمعي نزل يا أمي علي خدهم
وكمان زوريني بعد مــــــــــــــــرة
وإحكيلي يامه أنا هبقه سمعـــــــه
وهبقي شايفاكي قصـــــــــــــــــادي
هبقي حاسه بيكي فعــــــــــــــــــلاً
عارفه ان أبويا وحشـــــــــــــــــــــك
بس أنا دا وحشني أكتــــــــــــــــــــر
هبقي قاعدة هناك معـــــــــــــــــــــاه
هبقي في العين الحريمـــــــــــــــــــي
هخده أنا ف حضني ساعـــــــــــــــات
وأحكيله يامة عن اللي فـــــــــــــــــات
وأحكيله اني كنت دايما محتاجــــــــاه
وإني كنت في عز ضعفـــــــــــــــــــــــي
بفتكر أيام جميله عشتها يا أمي معاه
مدمعيش يا أمي لحظه
هترتاحي م البنت المشاكسه في الحياه
اللي كانت بس تحلم إنها تبقي سعيدة
وحلمها فوق السحاب
مش هحكيلك تاني عني
مش هتشيلي تاني همي
مش هنساكي يا أمي أبدا
حتي بعد الموت كمان
أصحابي حبايبي وخلاني
عارفه إنتو هتزعلو علشاني
هتقولو آمال ماتت فعــــــلاً
ولا دي إشاعات وكلام فاضي
لأ مش أشعات أنا مت خلاص
إبقو أسألو عن أمي ساعات
وأحكولها عن الأشعار دي
وإننا حيرت معايا الحرف
غيرته بإيدي عشان أكتب بس لأمي
وأبقو زوروني وقعودو جنبي ولو لثواني
وأدعولي وأحفظو أسراري
وقولو لخواتي إني عشقت سؤالهم عني
وان أنا قصرت كتير وياهم
بس أكيد دول هيسامحوني
إخواتي حبايبي ونور عيني
سمحوني وإدعولي كتييير
مش هتشاقي عليكم تاني
مش هشبط زي الأطفال
وتقولو آمال عدت م العشرين تسعه
ولسه بتبكي لو بصينا عليها بصه
بس حابه أعترف وأقولكم اني كنت بحبكم.
وكنت بتمني أشوفكم مبسوطين
كان كل أملي إني أشوفكم مرتاحين
متزعلوش علي موتي لحظه
إفرحولي سبقتكم لجوار أبويا
وإدعولي أعيش في الجنة ويا الطيبين
أبويا وستي وناس ياما في الجنة هناك مستنيين
إلي جوزي حبيبي وابو ولادي
بحبك قد كل الكــــــــــون
عارفه أكيد هتنسي حجات
عارفه الحي أبقي من اللي مات
بس إفتكر أيامي معاك
وولادي احفظهم برضاك
إوعي تسئ لواحد فيهم
هبقي أجي أشوفهم أوقات
أوقات في الحلم هكون وياك
أوعي تدمع يوم علشاني
أوعي الكسرة تبان في عنيك
كنت تقول متجوز طفلـــــــة
كنت يوماتي تقولي بحبك
وإني شاريكي وإنك انتي بكل بكل بنات الكــــــــون
عارفاك كنت حاببني بجد
بس هقولك بردو تكمـــــل
شوف واحده تحافظ على ولدي
إتجوز تاني وعيش أيامك
بس اوعي تإسي علي إبني
في دار الحق أنا عايشه هناك
إبقي تعالي وشوفني هنـــاك
كمان طمني عليك ياحبيبي
وكلمني
لأني هكون سمعـــــــــــــاك
ولادي حبايبي وحشتوني
من يوم ما غمضت جفوني
كان نفسي أربيكو في حضني
وتعيشو معايا طول عمري
بس الموت فرقنا كتيــــــر
بكرة الجنة هتجمعنــــــــا
عارفه هتفتكروني كتيير
وعارفه كمان هتدعولي
من غير ما طلب منكم دعوه
خاليكو إيد واحدة تلاته أخوات
أوعو تسيبو إيدين بعضيكم
أحفظو أسراركم وسطيكم
طول ما إيديكم مع بعضيكم
هتقدرو علي أعدي أعاديكم
ومتبكوش علي بعدي كتيــر
وافرحو بالدنيا وأيامكـــــــم
صومو صيامكم صلو صلاتكم
أوعو في وسط الدنيا يا ولدي
تنسو في يوم فرض في صلواتكم
إلي نفسي اللي ماتت فجأة
عشتي حياتك ليه مكسورة
هل زعلك يوم خلاكي مجبورة
ليه زودتي الأسوة عليــــــا
ليه دمعتي في يوم يا عنية
مين طبطب علي قلبك مرة
من جبر الخاطر لو مــــــــرة
عشتي حياتك تدي الكـــــــل
وقت مماتك سبوكي الكـــــل
زعلولهم ساعة اتنين وتلاته
وعاشو حياتهم ضحك وفل
عشتي حزينة بتكتبي شعر
كل ما تزعلي تكتبي سطـــر
رخصتيني يا نفسي كتيـــــر
مش هكتب أشعار أنا تانــــي
منا مت ياناس وأنا وحدانـي
....
اقرأ أيضاً: |شمس مصر|.. أمي هي الأمان لكل عمري
اقرأ أيضاً: |شمس مصر|.. أمي نهر عطاء وطيبة
اقرأ أيضاً: |شمس مصر|.. بداية العمل الناجح
