زمان
لما كانوا بيسألوني
يعني إي معني الحنان
يعني إي حُضن دافي
يعني إي وقت ما الدنيا تجافي
كنت بتلاقي فين الأمان
أقول كمان
وألا أسيب الزمان
يقول عني الكلام
من غير كلام
هي دي أمي
هي شمسي هي نوري هي ضِلي
هي إللي كانت بتعلمني الكلام
هي الحنان
هي التاج علي رَآسي
هي شطي
وإللي دإيما عليه رَاسِي
هي الأمان
هي ليا حضن دافي
هي إللي علمتني
إزاي أخطي خطوتي
وأعدي الخطوه ف سلام
هي دي أمي
......
ياما شالت عني همي
وياما ضمتني ف حُضنها
وياما سهرِت ليالي جنبي
تداوي فيا وتسقيني من وردها
طَله عِنيها
ولمسه إيديها
وضحكتها بداري فيها تعبها
شقيانه وبتعافر وأياَ إللي فيها
ويوم ما أحس أنا بيها وأقولها
مالِك يا أمي
تقولي سعيده وفرحانه
إنك ف حُضني
هي دي أمي
بدعي ربي يخليكي ليا
وياخد من عمري ويديكي
يا أصل كل حنيه
ومشفشِ فيكي وجع
وألا يوم عليكي قلبي يتوجع
فِداكي عمري
يا كل عمري
وربي يزيدِك فوق العمر
من عمري
وأعيش ف ضلك وأحتمي
وجوه حُضنك
أشرب من حنانك وأرتوي
وأحس الأمان
وأنا بين إيديكي
ياست الكل يا أمي ......
-------------
إقرأ أيضا |شمس مصر|.. صبرا يا فؤادي
-------------
-------------
إقرأ أيضا |شمس مصر|.. وإن يسألونك عني
-------------
-------------
إقرأ أيضا |شمس مصر|.. عتاب وشجن وحنين
-------------
