عتاب وشجن وحنين
وسنين بتمر أُدامنا
وكأنُه كتاب مفتوح
ولسه بنكتب ما فيه
وبنرسم بأيدينا وأيديه
سهمين
جمعنا بيهم قلوبنا
كنا بنحلم
ونفضفض معاه
وبنعدي بالحلم
ألف ميل واياه
جواه
كان السؤال مطروح
حِمل من الكلام مجروح
بس الهوا غلاب
غدر بينا وسابنا
ورمانا ف بحر
موجه حزين
والطبع فيه غرَقنا
عِشنا سنين وسنين
وحِلمنا معاه
ف يوم الحب يجمعنا
ورضينا بقسوة زمن
كنا ف يوم حاسينُه
ضِله وشمس وحياه
وبستان م الفرح حوالينا
وفتحنا عنينا
والقيناه
مادد إيديه
وطالب التمن
شجن
وعمر عشناه وضاع
وكل خطوة
كنا بنخطيها وهم
رضِي بالرخيص
وساب الغالي يتباع
وقسم الكتاب نصين
ومعاهم قلوبنا
تاهت ومش عارفة
لحد امتى وفين
وأخداَنا الدنيا واياها
وفين الشط والمرسا
وفين نلاقي الحنين
وسنين من العمر ضاعت
عاشت جوه الكتاب
وقلب كان مفتوح
بيرسم الأحلام
ويمحي من جواها
الجروح
لا فيها دمعة ولا نوح
غير بس حلم وضحكة
وفرح من غير أنين
وحنين
ولسه الحلم مراوضنا
وإن بكره
معاه الأمل
ممكن يكون
شوية طويل الأجل
بس عايش على ذكرى
بينا وبينها ألف ميل
بس فين
يمكن هتيجي على غفلة
وعلينا ترجع تميل
ونبتدي من تاني نحلم
بالعمر يجمعنا
وسنين
كان لينا فيها ذكرى
راجعة ومش هتروح
وحنين
واخِدنا لسكة بعيد
فيها الرجوع
شيء مستحيل
زي الحديد
صعب عليه الدموع
ومش سهل عليه يميل
والأصعب أنه يلين
ولو عاش ف نار
من غير حنين
ولامتى يا عمر
هنعيشك مستنين
عتاب وشجن وحنين
وقلوب بتكبر
وعيون سهرانة بحنين
وحلم وعشناه مستنين
ييجي معاه بكره
وفارد جناحه
يضلل علينا
وياخد جراحه
ويسيبنا ف حالنا
وكفايه علينا
بنعاتب ما فينا
كل ما تفتح عنينا
نلاقي
عتاب وشجن وحنين
وده كل اللي باقي لينا
سنين ولسه عايشين
وبنحلم
ف يوم يرجع
وجوه عينيه يدفينا
من غير وجع
يمد إيديه ويجمع
قلب اتقسم نصين
لا بقا عارف ف يوم يجمع
ولا يطرح من عمره عمر
ضاعت ما بينهم سنين
ف عتاب وشجن وحنين
اقرأ أيضًا/|شمس مصر|.. خُلقت لتكون حورية (الفصل الأول)
اقرأ ايضًا/|شمس مصر|.. وقالوا مين موجوع
اقرأ أيضًا/|شمس مصر|.. عشقتك عن الآخرين
