من فترة مش بعيدة حس قلبي إنه دق
وبسعادة كل دقة بقت ليه هو وبس
كان بينده كل يوم قلبي عليه
شوق سعادة وفرحة خدتني بسرعة ليه
كان سعادتي في حزني دايمًا كان ونيسي في وحدتي
كان يقولي أنتِ دنيا من السعادة بتترسملي
كنت أصدق كنت أضحك كنت أشوف في عيونه لمعة
كان يقولي يا أحلى جنة
عارفة أنتِ الهدية اللي بعد الصبر دي
أنتِ بقى تبقى هي
كان بيخطف قلبي خطف
كان معاه قلبي وبس يعرف يعني أي يحب ويعني أي يحس
كان عنيا اللي بشوف بيها الدنيا
لو يغيب تبكي هي بكل حرقة
وعقلي يفضل يسأل عليه
فين حبيبي اللي علق القلب بيه
أول ما أشوفك جي عليا أو مكالمة في عز خوفي بتطمن قلبي الحزين
كنت فرحة من هنا لسنين كتير
بس خايفة ماتقولش خايفة ليه
جوايا جواب أكيد بس مش عارفة أقوله زي ما هو بالتأكيد
خايفة أشرح يخوني شرحي
أو كلامي مايوصفش خوفي
فتفهم إن أنت نقطة ضعفي
بس الحقيقة غير كده
يمكن خايفة من الزمان أو من كتر الكلام من اهتمامك ومن هزارك
أيوة خايفة اتعلق بيك خايفة تخلفلي ظنوني
أو تبقى مش مدرك وعودك
خايفة قلبي يحبك وفـ لحظة تروح بعيد
خايفة من وعود ما بنا في لحظة تكسرها السنين
صدقني خايفة من حاجات كتير.
اقرأ أيضًا/|شمس مصر|.. قلبي اختاركِ أولًا (الفصل الأول)
اقرأ أيضًا/|شمس مصر|.. الوقوع في حب الأرواح
اقرأ أيضًا/|شمس مصر|.. كسر خاطري بك
