نشر نجم مسرح مصر "محمد أنور" بوست يدعم فيه الفنان "يوسف الشريف" عبر حسابه الشخصي بموقع التواصل الاجتماعي"فيسبوك"
وعلق "أنور" قائلاً: "ايه كل الهري والكلام الفاضي وقله الادب اللي حصلت عشان الراجل ده قال انه عنده مبدأ معين هو انه ضد المشاهد الساخنه او الاحضان والبوس والكلام ده لانه ببساطه بيخاف ربنا ومش عاوز يغضبه وهو شغال بالمبدأ بقاله اكتر من عشر سنين وناجح بيه وربنا كارمه من وسع كمان وانه هو مش ضد اللي بيعمل عكس كده ولا شايف نفسه اكتر احتراما من حد".
اقرا أيضاً/عااااجل.."التنمر"..لن يسلم أحد-وسهامي صابت الفنانين-شريف منير يهدد متابعيه بالسجن
وتابع قائلاً: "فجأه كل الناس شايفاه رجعي ومتخلف ومش فنان وناس قالو ده اخوان وناس قالت طب روح حجب مراتك الاول وبعدين اتكلم وناس طلعتله مشاهد من اعمال قديمه هو بيحضن فيها وقالو ايام ماكان بيحب التلامس وكميه قله ادب في موضوع الراجل طرحه بكل احترام وقال انه فيه ممثليين كتير زيه اصلا مش بيحبو يعملو ده او ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني".
وأضاف قائلاً: "علي فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها".
وختم كلمه قائلاً: "افتكر انك لما بتموت وانت سايب صدقه جاريه بتنفعك في قبرك وتزود حسناتك ..ممكن كمان تعمل عمل يعتبر ذنب جاري وبعد ماتموت يفضل يزود سيئاتك".
اقرا ايضا/الكاي بيلا ... وأول ضحايا عمليات التجميل
والجدير بالذكر أن "يوسف الشريف" تحدث في تصريحات تليفزيونية عن رفضه القيام بأي مشاهد ساخنة في أعماله الفنية، وهو قرار اتخذه من 10 سنوات خاصة بعد فيلم "هي فوضى" وهو ما فسره البعض أنه رفض لملامسة النساء في أعماله الفنية، قبل أن يوضح المقصود في تغريدة عبر صفحته على "تويتر".
وكتب "يوسف" عبر تغريدته قائلاً: "مش عارف إزاي كلمة (المشاهد الساخنة)اتحولت لـ(ملامسة النساء)، عموماً لازم نفترض حسن النية".
وأكمل: "طبعًا المشهد ده أصلا ملوش أي علاقة بالكلام ده، ده مشهد عادي جدًا وتخيل أن كل الدوشة دي بسبب تصريح من حساب مزور، كذبوا الكذبة وصدقوها".
اقرا ايضا/نجاة ممثلة سعودية بعد حادث مرور خطير
