نشرت لبنى عروس صديقة الطفولة لـ ياسمين صبري منشورًا عبر حسابها الشخصي بموقع فيسبوك، وكتبت ": أنا حاسه بغضب شديد جداً، عمري ما فكرت ارد ولا اتكلم، لكن اللي بيحصل ده تهريج، بكافة المقاييس، ياسمين أشرف صبري، صديقتي منذ الطفولة، وحتى الآن، تربطني بيها علاقة صداقه وحب وتفاهم وإنسانيه بلا حدود، اللي أبوها نشره يثير اشمئزازي لدرجه مقرفة حقيقي، أنت مين، أنت كنت فين، أنت جيبت عربيه، هههههه، أنت صرفت عليها جنية، أنت تعرف ايه عنها، أنت شوفتها بس في الكام صوره اللي أنت حاططهم فقط لا غير".
إقرأ أيضًا/|شمس مصر|.. طرح أغنية جديدة لرامي جمال واعتذاره لزوجته
وتابعت :"أنت محضرتش معاها أي حاجه في حياتها ولا تعرف عنها أي حاجه، أنت سنين تختفي وتظهر يوم في نادي سبورتنج تاخذ صوره وتختفي، أنا عشت مع ياسمين في المدرسه وفي النادي طول طفولتي، ما افتكرش إني شفت حد رباها ولا كان معاها غير كريمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس".
إقرأ أيضًا/عبارات أميتاب باتشان بالكامل على سيارة أحد معجبيه
وأضافت :"طلعتها جدتها رياضية، طموحة، ربتها على القناعة، تيجي أنت دلوقتي بعد كل ده افتكرت أن ليك أولاد، لما بقت مشهورة، اخص وألف اخص، أنا قرفانه من الآباء اللي بالمنظر ده، أنا افتكر الكام مره اللي شفتك فيهم كنت تشوفنا صدفه وتقعد تتريق علينا وأننا شباب ضايعين بس ربنا كبير، حسبنا الله ونعم الوكيل".
إقرأ أيضًا/|شمس مصر|.. موعد الموسم الرابع من "Stranger things"
