تعرف على من ساعدوا موكا حجازي في قضيتها...... تحقيقات النيابة لموكا حجازي.
أقوال المتهمة في تحقيقات النيابة العامة:
س : اسمك ايه؟
ج : نانسي أيمن صبحي السيد السن 16 سنة وشهرتي موكا حجازي
س: ماهي ظروف نشأتك وطبيعة عمل والديك ؟
ج : اللي حصل إن بابا وماما مطلقين من عشر سنين كان عندي خلالها ما يقرب من 6 سنين وبعدين سافرت مع بابا الجزائر ، ووالدي بيشتغل تاجر ملابس وماما مديرة حضانة أهلية، وبعد الطلاق سافرت مع بابا وعشت معاه 9 سنين .
اقرأ أيضاً/ ظاهرة التحرش
س: كم عدد أشقائك؟
ج: ثلاثة وهم نورهان" 21" سنة وفارس" 23 "وانا الصغيرة
س: ما هي ظروف انفصال والديك ؟
ج: انا معرفش حاجة لأني كنت صغيرة بس هما كانو دايماً بينهم خلاف واتطلقوا وانا سافرت عشت مع بابا بالجزائر وهو اتجوز بعد ما طلق ماما وعشت معاه حوالي 9 سنين وبعدين رجعت عشت مع ماما.
س: وايه سبب رجوعك؟
ج: مرات بابا مكنتش حابه وجودي معاهم وبابا نزلني أعيش مع ماما ، وبالفعل نزلت مصر هنا وعشت مع ماما وكانت متجوزة من راجل تاني بس ماما كانت بتعذبني ومش حابه وجودي
س: كيف كان يتم تعذيبك؟
ج: أنا كنت جايبه هدوم من الجزائر خدتها وقطعتها مني وقالت لي: "مينفعش تلبسي اللبس العريان ده هنا في مصر محدش هنا بيلبس كده" وكانت بتحبسني في الأوضه طول ما جوزها موجود وكانت بتقولي طول ما جوزي هنا متطلعيش من أوضتك أبداً وكانت تخليني اخدم بالبيت مكنتش تخرجني غير عشان أنضف البيت بس وكانت تضربني دايماً أول ما اغلط.
س: كيف كان يتم ضربك؟
ج: بيديها و بعصاية المقشة لما أعمل أي حاجة
س: ولماذا تركتِ المنزل ؟
ج: أنا كنت مضايقة من ماما إنها بتضربني فقلت لها أنا همشي وهسيب البيت أو هموت نفسي حتي إني مسكت الموس وعورت ذراعي فأخذتني القسم عملت إثبات حالة وبعدها تركتني وأنا مشيت
س: هيا محاولتش توقفك؟
ج: هيا أصلا محولتش تمنعني وكانت عايزاني أمشي وسبتني ألم هدومي و امشي
س: ومشيتي من امتي ؟
ج: من سنه ونص
س: ورحتي علي فين؟
ج: رحت الشيخ زايد
س: وايه اللي خلاكي تروحي الشيخ زايد تحديداً ؟
ج: عشان كنت أعرف بنات صحابي اتعرفت عليهم من النت ساكنين هناك فكنت هقعد عندهم لحد ما اشوف هتصرف ازاي.
س: رحتي فين بالظبط أول ماوصلتي الشيخ زايد؟
ج: أول ماوصلت رحت مع مجموعه بنات كنت أعرفهم وقعدنا علي كافيه واتعرفت علي واحد اسمه مصطفي ولما عرف حكايتي واني معنديش مكان أقعد فيه قالي تعالي اقعدي عندي بالبيت انا ومراتي ورحت فعلا معاه.
اقرأ أيضاً/ إدمان السوشيال ميديا
س: مين مصطفي ده؟
ج: ده اسمه مصطفي ساكن بالشيخ زايد سواق أوبر ومعرفش عنه حاجه تاني، وقعدت عنده ما يقرب من 7 أيام وبعد كده مشيت من عنده عشان كان عايز يودوني دار رعايه وأنا مكنتش عايزه اقعد في دار فمشيت.
س: بعد كده رحتي فين؟
ج: بعد كده مشيت رحت أكتوبر مع بنات كانوا قاعدين بشقه هما طلبة بجامعة بأكتوبر كنت قاعدة معاهم، وبعدين هما نزلو أجازة وروحت عند بنات تانين اتصاحبت عليهم وقعدت معاهم
س: اتعرفتي علي البنات دي ازاي؟
ج: اتعرفت على كذا بنت من النت وكنا نتقابل بالكافيه ونخرج سوا واتعرفت علي أصحابهم وبعد فتره ما يقرب من شهرين تلاته اتعرفت علي واحد اسمه أيمن وروحت قعدت عنده بشقته فتره
س: وما مدي استقرارك بمكان ثابت؟
ج: كنت في الغالب بقعد عند البنات اللي تعرفت عليهم وكانوا طلبه ولما كانوا بينزلوا أجازه مكنتش أعرف هقعد فين
س: وكنتي بتصرفي منين الفتره دي؟
ج: كنت بقعد معاهم بالشقه واكل واشرب معاهم وخلاص.
اقرأ أيضاً/ الإنسان كائن مجهول
س: ومين أيمن ده تعرفيه منين؟
ج: ده مره كنت رايحه لصحابي وكان في شباب بيعاكسوني كانوا هيتحرشو بيا هو شافني بالصدفة وكان بيدافع عني واتخانق معاهم وصلني عند شقة صحبتي اللي كنت رايحالها واداني رقمه وقالي لو احتاجتي حاجه كلميني وانا كلمته وقلتله معنديش مكان اقعد فيه.
س: إي اللي خلاكي تتواصلي معاه
ج: لاني انا مكنش عندي مكان أروح فيه فكلمته وقلتله اني بالشارع ومعنديش مكان أروحله فقالي تعالي اقعدي عندي كام يوم
س: قعدتي عنده أد إيه؟
ج: قعدت عنده فترات مختلفة وكان ممكن أمشي واقعد عند ناس تانين اتعرفت عليهم.
