ربنا لون لينا العبادات، من زكاة، صوم، صدقة، كلمة طيبة، حج، عمرة، صيام، مصافحة الناس، زيارة صديق أو مريض، صلة رحم، ابتسامة في وجه أخيك، ذكر الله، وغيرها أنواع كتيرة جدا من العبادات، لكن أحب العبادات دي والأقرب لربنا هي جبر الخواطر.
ف اللي يكسر بخاطر أهل الأرض، يجبر بخاطره رب السماء، واللي يتجمع على أذيته أهل الأرض، يتجمع على الدعاء ليه أهل السماء.
======
اقرأ أيضًا اطمن
====
وجبر الخواطر ده عبارة عن كلمة طيبة في وقت ضيق، حزن تجبر خاطر الشخص ده وتفرح عنه همومه.
زيارة صديق، مريض، تسعده وتجبر بخاطره إن في حد فاكره ومهتم بيه.
شياعه جنازة متوفى فتجبر بخاطر أهله.
حضور مناسبة سعيدة أو فرح حد، بكده تكون جبرت بخاطره وفرحته زيادة في يوم فرحته.
إنك تخفف عن شخص همومه، تشيل معاه الحمل، وتتقاسموه مع بعض، تقوله إنها هتعدي وإن اللي جاي أحسن وهكذا.
======
اقرأ أيضًا عدم تقدير النفس
======
وجبر الخواطر بردو بيشمل الاعتذار، إنك تعتذر لحد ده جبر لخاطره، ويحس أنه ليه عندك خاطر، وأنه مهانش عليك زعله أو غيره، حتى لو هو اللي غلطان ، بس ده في الأول والآخر بيبقى جبر لخاطره.
الابتسامة في وش أي حد تعرفه، بتحسس اللي قدامك إنك مبسوط إنك شوفته وقد أيه أنت بتحبه، ومبسوط بيه.
السؤال، إنك تسأل عن حد كل مده، ده جبر لخاطره إنك فاكره ومش ناسيه وبتطمن عليه.
إنك تسامح حد غلط فيك بأي شكل من الأشكال، وأنه بيبقى متعشم في إنك تسامحه، هو حتى ممكن يقوللك، طب اعمل كذا عشان خاطري، يعني أنا مليش خاطر عندك، وده كلام مشهور جدا بين أي شخصين، وده يوضح أهمية جبر الخواطر حتى في العلاقات.
جبر الخواطر ده كفيل أنه يحسن من مزاج أي حد ويغير من حالته النفسية 180 درجة، كفيل أنه يخليه طاير من الفرحه وأنك بتديله طاقة، وشعور بالسعادة، ودافع أكبر للحياة، وإن الدنيا لسه بخير، ولسه فيها ناس كويسة، وأنه له خاطر عند حد، دي حاجة كبيرة أوي ولا تقدر بثمن.
وجبر الخواطر ده له أجر كبير جدا عن ربنا، وبتفرق جدا جدا في حياة كل الناس عشان كده ربنا خلاها عبادة، وصدقة، وكبر أجبره.
وجبر الخواطر مهما كان شئ بسيط في النفس، فهو لا يقدر بثمن، لأن الحاجة اللي بتلمس الروح مينفعش ندفع ثمنها ولا ينفع نقدرها بأي ثمن.
وجبر الخواطر ده مهمة صعبة جدا ربنا بيرزق بيها ناس معينة، الناس اللي جواها نضيف، وقلوبها سليمة، الناس اللي شبعانه، وعنيها مليانه.
جبر الخواطر لحظة الضعف عمرها ما بتتنسي، ولحظات الضعف دي كتيرة أوي في حياة كل واحد مننا زي مقف جنب صاحبي اللي بباه اتوفي مثلا، وطبطب عليه، أجيب هدية لشخص بقاله مدة في حزن وهم، أزوره في بيته وأفرحه.
اقرأ أيضاً إزاي تحقق حلمك
في مقوله بتقول " وإذا رأيت أحدهم منطفئ حدثه كثيراً عن مزاياه، حدثه حتى يعود ويضئ"
ودي حاجة بسيطة جداً بردو، يعني لو مفيش في إيدك أي حاجة تعملها لشخص ما، كلمه عن نفسه، عن قد أيه تفاصيله حلوة، ضحكته حلوة، روحه حلوة، قد إيه هو كويس ونضيف، قد أيه نقي، قد أيه أنت مبسوط بيه ومبسوط أنه معاك، كلمه وفكره بكل موقف حلو مريته بيه سوى، أو موقف لطيف منه حصل قدامك، كل دي حاجات بسيطة جدا أقدر أفرح بيها أي شخص، وفي غيرها حاجات كتيرة جدآ بس كل الفكرة في اللي بيفكر يجبر بخاطر حد.
