فى زحمة الحياة
الكل بعد وفارق
وتوهنا فى المفارق
فيه اللى اختارطريقه
واللى طريقه اختاره
ومشيوا فى سكة القدر
اللى بيعمى البصر
الدنيا حالها غريب
بتدى الكل نصيب
والرك ع الحظ
زى لعبة اليناصيب
فى اللى اديته حبيب
واللى اديته فراق
واللى اديته مال
واللي اديته جمال
وقيس على كدا كتير
الحظ زى السرير
شوية تنام وتقوم
وحتماً هتقول بلوم
إشمعنا دا نصيبى
ليه فلان ميكونش حبيبى
وهتفضل تقول ليه
وتلعن الحظ والصدفة
وهتغتنم أقرب فرصة
عشان تثبت إنك أقوى
قال يعنى كان نصيبك وراح لغيرك
وهتمر الأيام والسنين
وإنت فى وجعك حزين
الوجع اللى إنت إختارته
وهيضيع العمر بيك
وهتيجى فى يوم تفوق
وتقول أنا عمرى ضيعته
وهتندم ندم السنين
وتقول أنا اللى كنت حزين
نسيت كلام الله ورسوله
نسيت إذا كان خيرا لبقى
نسيت ويؤتيكم خير مما أخذ منكم
نسيت إن كل شئ نصيب
وإن النصيب مكتوب
والرزق مكتوب
والحب مكتوب
وكله بقدر
وأنا اللى كنت بعيد
وفهمت الحكمة
ومشوفتش النعمة اللي ربى إديهالى
الصحة والستر
وكل حاجة حلوة
وأن الاستغفار سيد المغاليق
فيا ربى إن عظمت ذنوبى وإنشغالى عنك وعدم الرضا بما فعلت فاغفر لى وارحمنى فأنت أرحم الراحمين.
إقرأ أيضاً رواية مستشفي الأمراض العقلية
إقرأ أيضاً رد علي فرنسا
إقرأ أيضاً سر السعادة
