في جملة بتقول:
If you don't belong, don't be long
يعني لو محستش بقيمتك في المكان اللي أنت فيه، أو عند الشخص اللي بتحبه، متكملش، ومتطولش، وأنت عارف إنك مش فارق ، لأن كل يوم بيعدي بيستنزف من وقتك وروحك ونفسيتك، وعلى المدى البعيد هتتحول لذكريات مؤلمة هتفضل تطاردك طول العمر، امشي وأنت واثق ومتأكد إن ده الصح، واوعى تبص لورى تانى، وكل م تحن افتكر كل اللي عملته عشانهم، وكل اللي كانوا قادرين يعملوه عشانك ومش عملوه، افتكر قد أي كنت حنين، طيب، محتويهم، وقد أي كانوا مش كويسين، قاسيين، قلوبهم حجر
وعدي كل حاجة مش هتقف على حد.
======
اقرأ أيضًافقدان الثقة
======
هييجي يوم وتلاقي إنسان هيعمل كل شي عشان يشوفك مبسوط ومرتاح ومتطمن، ف ما تقفلوش كل أبواب قلوبكم في وش الكل؛ مش كل شخص دقها كان ناوي يجرحها أو يأذيها، زي ما عملوا أغلب اللي دخلوا حياتكم.
======
اقرأ أيضًاالضغوط النفسية في حياة الإنسان
======
أكيد سمعت عن مقولة "أبيع عُمري لمن يعاملني برفق، حتى في الخصام ".
الجملة دي بتوصف قد إيه الإنسان ده طيب ومش محتاج غير إنه يطمن ويلاقي اللي يعامله برفق وحنية يعمله كإنسان مش كحاجة تانية، كلنا بندور على الراحة والسلام والأمان، كلنا محتاجين الدفى والاطمئنان، أكيد في يوم هنلاقيهم، خليكوا واثقين، بس حافظوا على قلوبكم ومتقفلوش كل الأبواب عشان لما تيجي الناس اللي ممكن تحسسنا بكده، يلاقونا لسه بخيرنا.
======
اقرأ أيضًاعلاقات البشر المؤذية
======
