في مقالة بعنوان:-
(متى تستحق العلاقة الإصلاح ؟ )
بتقول Jennifer Cantor إن الخلافات أو التعارضات في أي علاقة حاجة حتمية، ومفيش علاقة في الدنيا مفهاش خلاف، ده بالعكس، قدرة الطرفين على حل أي خلاف بينهم بيعكس مدى قوة العلاقة دي وتمسك أطرافها، ساعات الخلافات بتقربهم وتفهمهم طبيعة بعض أكتر.
======
اقرأ أيضًاالوحدة بين الناس
======
فمن السذاجة الحُكم على استمرارية العلاقة أو لا بناء على وجود الخلافات، إنما على شكل و تأثير الخلافات دي عليهم، فالسر مش إن العلاقة تبقى بلا مشاكل ، إنما في ظل وجود المشاكل دي الطرفين قادرين يتعاملوا و يتفاهموا مع بعض إزاي؟! قادرين يتواصلوا ويلاقوا حلول ليها ولا ؟! والأهم محاولة احتواء كل طرف للتاني، فالهدف مش مجرد happy relationship ( علاقة سعيدة ) إنما healthy relationship( علاقة صحية ) ! .. علاقة مفيهاش تهديد أو انتهاك لسلامة ونفسية أطرافها.
======
اقرأ أيضًاحرب الدلو
======
فالعلاقات بتوصل للنهاية أو بمعنى أصح بتوصل لمرحلة غير قابلة للإصلاح، لما يفقد أحد أطرافها شعور الأمان أو السلامة مع الطرف الآخر، مش مشكلة يحصل خلاف، بس كارثة لو قلب الإنسان قسى على اللي بيحبه وقت الخلاف، لو الموضوع خد أبعاد أكبر من مجرد اختلاف وجهات نظر لحالة انتقام لو بقى مباح أو حتى مقبول فكرة تجريح أو التعمد بإضرار الطرف الآخر، فمن الجمل اللي مش قادر أنساها على لسان صديقة ليا :
" كانت بتقصد أنها توصل لي أني مش مناسبة لأي حد"
في النهاية في دعوة جميلة بتقول : " يارب حوّطـنا بـ ناس أحـن منا علينا".
======
اقرأ أيضًاالشوكولاتة صديقة المزاج
======
