من كام يوم اتقالتلي كلمة من شخص قريب مني المهم إن أنا مفهمتش معني الكلمة دي إلا تاني يوم، و الشخص ده مكنش مقتنع إني مش فاهمه، بس لما فهمت ايه اللي كان مقصود من الكلمه اتصدمت ، إزاي الشخص ده يفكر فيا بالطريقه دي؟! ووقتها حسيت بكسرة قلبي وخاطري أنا عملت إيه خلي الشخص ده يفكر فيا كدة؟!. ويأذيني بكلمة زي دي!!. الشخص دة وصلني لدرجة اني بقيت بقول لنفسي ياااااه هو انا وحشه كدة في نظره؟!. بس أنا طبعا منمتيش رأيه لأن عندي الثقه في النفس زيادة صراحه، ولقتني بقول لا طبعا الشخص ده فهم كدة بدماغه هو مش بسببي أنا أكيد، أما عني فأنا أحسن من ناس كتير اه الكلمه علمت في نفسيتي شوية بس عديتها.
أقرأ أيضا/كسر الخواطر موضة العصر وضحايا التنمر
أنا ما بيهمنيش الآراء اللي بيبقي مقصود بيها إني أحس بالإهانه، أو أن أنا فيا نقص في حتة معينه، بس عديتها وعادي لاني متعودة ده طبيعي أي شخص بيتعرض لده ، بس رجعت فكرت هو لو واحده غيري كان أثر الكلمة دي علي نفسيتها إيه؟!. كان هيبقي وضعها إيه؟! وبردوا ازاي الناس دي بترمي الكلمة من غير ما تفكر في مشاعر اللي قدامها؟! هما حاجه من اتنين يا هما بيبقوا مش بيفكروا في الكلام ودبش، أو بيبقي عندهم هما النقص اللي يخليهم يرموا الكلام ده للناس وهما قاصدين يأذوهم.
أقرأ أيضا/عاااجل"الوزراء".. يكشف حقيقة "إلغاء الزواج" وسحب دفاتر الموثقين من أول "يوليو"
بس ياريت تفكروا في كلامكم، وبلاش تسرع ورمي كلام جارح، مش كل الناس بتقدر تعدي ولا كل الناس بتسامح، وفي ناس الكلمة بتسببلهم تعب جسدي ونفسي وممكن بسبب كلمه قولتوها ربنا يمنع عنكم خير بذنب الناس اللي اذيتوهم. وأعتقد ان ده نوع من انواع التنمر، ولازم الكل يمر بيه طول ما إحنا في مجتمعنا عقليات ونفوس مريضة هنفضل نعاني.
اقرأ أيضًا :عاااجل "الصحة العالمية" تنشر قائمة بأطعمةً طبيعية تقي من فيروس "كورونا"
