الجزء الأول
رقم غريب متصل :الوو
محمد : ايوة مين معايا
المتصل : حضرتك تعرف واحد اسمه عمار وواحدة اسمها تيسير
محمد : أيوة يابني دي بنتي وجوزها . في حاجة يابني .
المتصل : البقاء لله
محمد : البقاء لله اهه يابني أنت هتهزر معايا ! البقاء لله في مين؟ مين مات ؟
المتصل: حضرتك أنا مبهزرش كان في حادثه هنا وهما ماتوا
محمد : ماتوا ايه هما مين اللي ماتوا ، أنت شارب حاجة على المسا ، عيب انك تهزر وتعمل مقلب في واحد قد جدك ، هتلاقيك سارق التليفون أنت حرامي يلا
اقرا ايضا/الفصل الاول "نقطه التحول" من روايه " الكُرسي الملعون
المتصل: أهدى بس كده ياحاج . واستهدي بالله . الأعمار مش بايد حد الأعمار بايد ربنا
محمد : ونعم بالله يابني بس بطل هزار يوقع القلب مع الناس عيب يابني كده
المتصل: والله ياحاج انا مش بهزر ؛ الموت مفيش فيه هزار . هو كان في ضرب نار والعربية دخلت في شجرة . وحضرتك آخر رقم اتصل بيه . وعلى العموم الاسعاف جه والشرطه في الطريق بس هما اتوفوا
محمد: ماتوا ! يعني انت مبتهزرش ؟
اقرا ايضا/الفصل الأول "رواية لعنة ماريروكا"
المتصل : والله مبهزر وعلى العموم ربنا يصبركوا
محمد: طب هما فين يابني الوقتي ؟
المتصل : هما راحوا مستشفى الجامعه هي أقرب مستشفى هنا والشرطة جات اهي تبقى تتكلم معاهم
محمد : ماشي يابني
محمد قعد يفكر هقولها ايه دي . البنت اللي في ثانويه عامه وروحها في أهلها هقولها ماتوا ازاي . يارب ارحمني وخفف همي
عائشه : مين مات ياجدو
محمد: اهه .دول ناس عملوا حادثه واتصلوا عليا بالغلط . ربنا يرحمهم
عائشه : ربنا يرحمهم. بقولك ياجدو
محمد : ايوة يابنتي
عائشه : هما بابا وماما وصلوا ، اصلي قلقانه اوي عليهم قلبي مش متطمن
محمد : هما بخير يا قلبي بس روحي انتي نامي عشان دروسك وامتحاناتك اللي مقدمهاش وقت
عائشه : حاضر ياجدو . تصبح على خير
محمد : وانتي من اهل الخير
مشيت ومحمد نزل على طول يشوف بنته وجوزها ماتوا ازاي ومش عارف هيقول لابنتهم ايه وازاي
اقرا ايضا/الفصل الثالث " صدمات لا تنتهي"من روايه الكُرسي الملعون.
فكرة \ رحمة محمد
