الفصل السادس: الوقوف أو الإستمرار
محمود بعصبيه : انت ازاااااي تعمل كدا ازاي تبيع حاجه زي دي للناس وانت عارف انها ممكن تإذيهم ازاي بتفكر كدا .. انت عارف انا حصلي ايه بسبب الزفت دا طب تعرف خسرت ايه او انا بعيش كل يوم ف ايه من ساعه ما خرجت من عندك بالكرسي دا انت مش واخد بالك كم الوجع اللي سببتهولي بس عشان تبيع حاجه من عندك ما كنت ترميه ولا تولع فيه حتي بس بتبيع حاجه للناس وانت شاكك انها هتضرهم لييه!!
عم عباس كان مصدوم ومش عارف ينطق ولا هو ولا ابنه
شريف اتكلم بدفاع عن والده وقال: احنا ميخصناش حصلك ايه انت جيت واشتريت مكنتش تيجي تشتري من الاول
محمود بعصبيه اكبر : وانا لو اعرف ان كلللل دا هيحصل كنت هشتري؟ انتو ناس حراميه ميهمهاش غير نفسها وبس كل الحكايه انكو عوزتو تخلصو من الكرسي دا وتلبسوه ف اي حد وخلاص وبس عشان ترتاحو والله واعلم الكرسي دا كان بيحصلكم ايه بسببه
عم عباس اتكلم وقال: كلاً لن يصيبنا الا ما كتب الله لنا
محمود هدي وسكت ومعرفش يرد
عم عباس اتكلم وقاله : ايه سكت يعني .. يابني كله مقدر ومكتوب اياً كان اللي حصلك ف هو مش بسبب كرسي ولا غيرو لا دا مكتوب عن ربك وكدا كدا كان هيحصلك سواء بقي بالكرسي او منغيرو انا لما حكتلك الحكايه دي قصدت بيها اني اعرفك مش اخليك تربط اللي حصلك بيه .. قضاء ربنا بيمشي سواء بكرسي او منغيرو
محمود سكت ومعرفش يرد وفجأه قعد يعيط .. ايوه عيط .. عيط من كتر التعب واللي شافه عيط بسبب فقدانه لحنين وفقدانه لايمانه بربنا وان ربنا كبير فعلا واكيد كل دا قضاء ربناا ودا مقدر ومكتوب .. عم عباس قام وراح طبطب عليه وقاله .
بص يابني .. هات الكرسي وخد فلوسك احنا يابني ولا بنإذي حد ولا نصابين ولا اي حاجه واذا كان علي الكرسي هاته طالما هو مدايقك اوي كدا
محمود بص لعم عباس و افتكر والده الله يرحمه وانه كان بيعامله بنفس الطريقه .. حضنه واعتذره وباس ايده وقاله:سامحني ياعم عباس انا اسف بس انت متعرفش انا حصلي ايه
عم عباس : طب احكي يابني جايز اساعدك
حكاله محمود كل اللي حصل من ساعه ما مشيو من عنده لحد اخر موقف حصل النهارده الصبح
_____
اقرأ ايضا/الفصل الخامس "اكتشافات جديده" من روايه الكرسي الملعون
____
عم عباس كان مركز اوي في كل كلمه بتتقال ولما محمود خلص قاله: طيب يابني هات الكرسي واحنا هنحرقه
محمود: ماشي هجيبه واجيلك بكره .. بس ارجوك متزعلش مني
عم عباس بضحك: يابني انا راجل كبير هاجي في سني دا ازعل من حد
محمود ابتسمله وقام وقف وخد رقم شريف وسلم عليهم ومشي
خرج محمود يروح علي بيته ودخل البيت وندهه علي عاصم لكن محدش كان بيرد!
استرها يارب .. ندهه تاني : يا عاااصم
محدش بيرد .. دخل اوضه عاصم ملقاش حد
راح علي اوضته بردو ملقاش حد
دخل المطبخ .. الصاله .. حتي الحمام .. بردو مفيش حد
اتصل علي تليفونه .. التليفون رن من اوضه عاصم !!
معقوله نزل وساب التليفون كدا !
قرر انه يستني شويه جايز نزل يجيب حاجه من قريب وطالع
فضل مستنيه ساعه .. اتنين .. تلاته .. مفيش حد جيه
التوتر ملك محمود جدا وبقي مش عارف ياتري اخوه راح فين
مسك تليفونه والساعه كانت 11 بليل .اتصل ب عم عباس .. ايوه لقي نفسه بيتصل بيه
رد عم عباس وقال: السلام عليكم مين معايا
محمود: وعليكم السلام .. عم عباس انا محمود
عم عباس:اه يابني ازيك خير حصل حاجه ولا ايه
محمود: اخويا مختفي ياعم عباس من ساعه ما مشيت من عندك معرفش هو فين ومش عارف اتصرف
عم عباس: اهدا يابني طب بص كلم مثلا حد من صحابه كدا جايز عندهم
محمود: كلمتهم ياعم عباس وبردو مفيش فايده و حتي سايب تليفونه هنا
فجأه التليفون بتاع عاصم رن
محمود بلهفه: ثواني ياعم عباس
جري علي التليفون ورد :الوو
محدش بيرد .. محمود : الوووو
محدش بيرد تاني محمود اتعصب وقام قايل : الووووووووووووووو
____
اقرأ ايضا/معني الإحسان
____
فجأه سمع صوت خروشه جامده ومابين الخروشه دي كلها سمع صوت اخوه
محمود :عاااصم عاصم انت فين يا عاااصم رد عليا انا مش سامعك كويس ياعاصم
عاصم بصوت خروشه: ال ..... ك .... ر .... س....ي .... د ..و ...ر ... ع ...ل ...ي....ه....ه ....ت.....لا.....ق.....ي...ن...ي
محمود: اييييه مش سامعك ياعاصم قولي انت فين
فجأه الخط قطع جرب يتصل تاني مفيش فايده
جري مسك تليفونه وقال لعم عباس علي اللي حصل
عم عباس: انت مسمعتش اي حاجه من اللي قالها
محمود: كلام كله مخروش وملخبط مسمعتش اي حاجه خالص
عم عباس: محمود هو الكرسي فين!؟؟؟
محمود فجأه سرح كدا وقال لنفسه الكرررررسي!!!
قام جري علي البلكونه لقي الكرسي وعليه زي دم نازل كدا والدم مكون كلمتين بالظبط
"مقاابر الادهمي"
محمود مفهمش حاجه بس اتصدم من المنظر دا ومسك تليفونه اللي كان ف ايدو وقال لعم عباس علي اللي كان شايفه
عم عباس اتصدم وقاله : ايييه!! هو انا يابني قولتلك ان الراجل دا بيقال ان كان اسمه الادهمي!!
محمود بصدمه : لا مقولتليش!!!!!
عم عباس : معلش يابني اكيد نسيت .. الراجل كان اسمه الادهمي وله مقابر مخصوص بس مش هنا
محمود: اومال فين؟؟
عم عباس: مش فاكر بس هيا ف بلاد بره مش فاكر ..... اللهم صلي علي النبي
محمود: عليه الصلاه والسلام .. حاول تفتكر يا عم عباس
عم عباس : ايوه افتكرت .. سيره النبي بردو يابني بتفكر ... كانت في المنصوره
محمود: المنصوره!!!؟ اشمعنا
عم عباس : هو الراجل دا كان من المنصوره
محمود: انا لازم اسافر
عم عباس: دلوقتي !!؟؟
محمود اه دلوقتي
___
اقرأ ايضا/الفصل الثاني "رواية لعنة ماريروكا"
____
