الفصل الثاني: بين المعرفه والجهل
محمود: وحسيت ب ايه؟
عاصم: حسيت ان انا دايخ جدا وعايز انام وكنت هنام فعلا عليه بس حد جيه وصحاني
محمود: انت بتتريق يا عاصم
عاصم بضحك : ياعم بضحك معاك المهم فك انت بس وارجعلنا بالسلامه كدا بقي البيت وحش منغيرك
محمود بضحك : ماشي المهم كُل كويس واهتم بنفسك وبمذاكرتك ماشي
عاصم : ماشي يلا انا هقوم بقي
محمود: معاك فلوس؟
عاصم: ايوه ياحبيبي .. يلا سلام
محمود: سلام
مشي عاصم و جيه الدكتور اطمن علي محمود وطمنه علي حنين وان ان شاء الله هيبقو كويسين وهيخرجو ف اقرب وقت كمان
بليل ومحمود نايم شاف حلم غريب جداا .. كانو في التاكسي ومعاهم الكرسي المشهد اللي قبل الحادثه بس وهما بيركبو ركب معاهم حد قدام .. بس مين دا محمود مكنش شايف وشه بس كان شايف هيئه انسان وبس
لما ركبو فجأه المشهد كله اتغير وبقي الراجل اللي ركب هو اللي سايق بدل السواق وبص لمحمود في المرايه .. عينه !! فين عينه!! عينه مش موجوده ازااي؟!!
____
اقرأ ايضاً/اليوم .. "حقائق وأسرار" يناقش أزمة الثانوية العامة في عصر "كورونا"
____
محمود كان ف الحلم عباره عن شخصين .. شخص كان قاعد جمب حنين وبيعمل نفس اللي كان بيحصل بالظبط والشخص التاني بيتفرج علي اللي بيحصل دا
محمود كان عايز يصرخ بس مفيش صوت طالع قادر يحرك عينه ورقبته بس انما جسمه كله مشلول
وفي لحظه كان الشخص اللي بيسوق دا عمل حركه والعربيه اتقلبت ومحمود واقف بيتفرج والصدمه علي وشه ومش مصدق حاجه ومش فاهم حاجه وفجأه الشخص اللي كان بيسوق طلعله ومسك فيه جامد وقاله بكل غضب و صوت عالي وصعب اوي : هقضي عليكم كلكم هقضييييي علييييكم
ومحمود صحي من الكابوس دا وهو بينهج جامد ومش قادر ياخد نفسه وضعط علي الجرز اللي جمبه دخلتله ممرضه وقالتله :فيه ايه مالك اهدا بس كدا
وادتلو مايه محمود شرب وبدأ يهدا وياخد نفسه بإنتظام والممرضه جريت تجيب الدكتور
لما محمود هدي بص حواليه بعشوائيه ولكنه شااف الكرسي!!!! ايوه دا الكرسي اللي اشتروه
____
اقرأ ايضاً/جامعة الأزهر : " تعلنها" تحديد موعد الامتحانات ١٧ يونيو
____
ازاي جيه هنا ازاييي!!!؟
محمود كان باصص علي الكرسي ومعالم الصدمه كلها علي وشه وقال: يعني اييه .. يعني ايه الكرسي هنا انتو يا بهاااايم مطلعنلي الكرسي دا هنا لييييه
محدش كان بيرد عليه محمود كان عايز يقوم بس لولا الكسر اللي في رجله ف معرفش يتحرك بس حصل حاجه فجأه
الكرسي بدأ يتحرك!!!!!!
ايوه الكرسي اتحرك ببطئ شديد جدا بس حركته باينه وكان بيقرب من السرير بتاع محمود ..
محمود اتخض جدا واترعب ومكنش عارف يعمل اي حاجه جتله حاله من الشلل .. تخيل شايف جماد قدامه بيتحرك!!
وفجأه وفي لمح البصر الكرسي بقي جمب السرير بالظبط!!!
محمود اتخض من الحركه وزعق جااامد وقعد ينده علي الدكاتره وهو مغمض عينه
الدكتور دخل وقاله : اهدا يا استاذ اهدا فيه ايه
محمود بعصبيه : اهدااااا ايييييه مين اللي طلع الزفت دا هنا
الدكتور بإستغراب : زفت ايه؟
محمود مشاوراً علي الكرسي : دا ... ايه دا !!!؟؟؟؟؟هوو فين الكرسي اللي كان هنا ؟!
الدكتور مستغرب : كرسي؟ كرسي ايه يا استاذ مفيش كراسي هنا غير الكرسي دا
____
اقرأ ايضا/الفصل الاول "نقطه التحول" من روايه " الكُرسي الملعون
____
وشاور علي كرسي صغير كدا بس مش هو الكرسي اللي كان موجود من شويه
محمود كان ف حاله عصبيه وصدمه شديده جدا وقال: يعني اييييه انا اتجننت مثلا انا بقولك كان فيه كرسي هنااااا من شويه!!!!؟؟؟؟
الدكتور: صدقني مكنش فيه حاجه .. انت اعصاب حضرتك تعبانه بس ودا طبيعي بعد الحادثه دي وع العموم انا هديلك مهدأ وهتقوم وهتبقي تمام
والدكتور فعلا اداله حقنه المهدئ ونام محمود وصحي تاني يوم الصبح لقي عاصم قاعد جمبه وبيعيط محمود اتخض وسأله : فيه ايه !!
عاصم وحاول يداري : م مفيش ياحبيبي اخبارك ايه دلوقتي
محمود بنفاذ صبر:فيه ايييه اخلص
عاصم عيط تاني وقااله: البقاء لله
محمود اتخض واتفزع وقال: ميين!!؟؟؟
عاصم وهو مش عارف يقولها ازاي : ح ... حنين !!!!!!!!!
