في مكان ما موازي، شكراً لكل حاجة بتخلينا نمشي واحنا متأكدين أن دي الخطوة الصح، شكراً لكل فعل عرفنا قيمتنا الحقيقية بدل الكلام المزيف، شكراً لكل حاجة خلتنا نختار نفسنا في وسط ما كان مداس علينا، شكراً لكل حاجه بتخلي ضميرنا ميأنبناش على نهاية، شكراً ع كل طريقة وفعل يخلوك تموڤ أون بقلب جامد وأحنا متأكدين أننا كنا كفاية وكويسين في وقت ما، شكراً لكل حاجة خلتنا قدام واثقين أننا الأحسن مش الأسوأ، وأن رواية أحدهم برغم بشاعتها مخلتناش نتهز ونحس أننا منستحقش، شكراً للوقت الصعب الي بنعديه وبنقف بعديه نتفرج على كل حاجة مكناش مصدقين أنها هتحصل ولما حصلت حاولنا وقدرنا نعديها، اختار وحاول دايماً أنك متكونش الأسوأ، عشان مهما كنت مقتنع بالعكس هيجي وقت يلزمك ويوريك قد أي أنت وحش ويرجعك ندمان في وقت الي قدامك فيه مبقاش فاكرك ولا مستنيك، اشكر نفسك أنها بتقدر تتخطى معاك كل حاجة قولت أنها هتهزمك، أنت تستحق تدي لنفسك رصيد حب ودعم كبير، عشان مهما حصل ومهما كان في ناس حواليك ف ضهرك أنت ونفسك بس الي بتقدروا تستحملوا، وتعدوا.
إقرأ أيضاً :كن منصفا تجاه نفسك
إقرأ أيضاً:أنت تستحق
إقرأ أيضاً: كتف الرفيق
