أنا أسفه
وحقك علي راسى
انا عرفتك
قلب حنون ومش قاسي
بتنسا القسوه وتسامح
تضحك وقلبك
حزين بياأسي
وتنام تصحي
لكل جبروت
قسوتي ناسي
وصدقني وبعترف
كل ما فيه بيرتجف
لما بسمع صوت
شبيه صوتك
واحس من تاني بخطوتك
احلم وكوني معاك
وحياتي مكمله وياك
واعيش الحلم ف عيونك
والضحك والفرح ف سهرتك
واللي ما حسيته
مع حد من ناسي
.....
انا حساك
شيفاك
حزين بتتألم
ساكت مانع
عنيك تتكلم
بدالك انا بتكلم
وبقولك انا بتألم
عايشه الدنيا وبتعلم
وانا أسفه
...
انا أسفه
وحقك علي راسي
.......
سنين عشتها وياك
عرفتك أب حنون
ومش عادي
أخ كبير
وكنت الكبير
وبتحابي
كنا وطول الوقت
جوه عشنا عايشين
انا عليك بأسا
تمد ايدك
تطبطب وتنسي
وتقولي إرسي
انا شطك
انا مرساك
بحر الحياه غدار
وخايف عليكي
كنت بسمع كلامك
وتاني يوم بنساه
غصب عني
انت عارف
كنت طمعانه
ف كل الحياه
دلوقت اي هي الحياه
وفين شطك
وفين مرساك
انهارده وانا وحدي
عايشه علي ذكراك
عايشه كل الوجع وبأاسي
وانا اسفه
.........
انا اسفه
وحقك علي راسي
.........
ده كان كلامها
تسمعها تبكي
وتشوف عيونها
دبلانه من الوجع
ومن الامها بتشكي
حسره عليك ياجدع
احس بالرعشه وخداني
وتشيل تحط ف حطاني
إحن
واقول جناح مكسور
كان ف يوم مقهور
ويمكن اكون أسي
وف لحظه تانيه
إجن
لما الاقي
ضحكته
صهلله جواد
فارد مليون جناح
ف حلقه سباق
وسعاده ف عيونه
عايشه فيها ليل وصباح
بتحكي وتغني
وكأنها مع الدنيا ف سباق
احس وكأني واخد علقه موت
وزن ف وداني
ومليون صوت
فوت عدي وفوت
هتسمع تاني
خداع واماني
علي اي
سنينك وعشتها بتموت
توت توت
بكره تموت
وانا لسه هموت
ما انا عايش وكأني بموت
بقالي سنين وسنين
ومعدش باقي مني
غير حبه اماني
وصدا صوت
ومين هيسمعني
والدنيا زحمه بتمنعني
اني اعدي و افوت
واحس بالدنيا امان
وابني من تاني
واقدر امسك واشيل
علي كتفي فاسي
وخطوتي ماشيه بتمد
ثابت
وعلي ارضي راسي
.......
انا مسامحك
ونسيت كل ما بيكي
حتي كمان ملامحك
وكل مافيكي
وسيفك ورمحك
سبتهم ليكي
وعشان عيشي وملحك
وخوفي عليكي
عيشي
واختاري شط
يكون امان
بس ارسي
واختاري الوقت
وعيشي الزمان
وابدأي وانسي
انا خلاص
علي شطي راسي
وانهارده خلاص
لكل شئي نااااسي
----------
أقرأ أيضا انا مين
----------
----------
أقرأ أيضا مالك يا ليل
----------
----------
أقرأ أيضا عذرا سيدتي
----------
